Úıdiń bir bólmesinde kazıno ashqan pysyqaı sottaldy
ASTANA. QazAqparat - Qyzylorda oblysynyń Qazaly aýdandyq sotynda oıyn bıznesin zańsyz ashqan azamatqa qatysty úkim shyǵaryldy, dep habarlaıdy QazAqparat tilshisi.
Sot materıaldaryna sáıkes, J. esimdi azamat bir úıdiń páterin jaldap, sol jerde zańsyz oıyn bıznesin ashqan. Tergeý kezinde sottalýshy óz kinásin tolyǵymen moıyndady.
«Sot úkimi boıynsha J. Qylmystyq kodekstiń 1-baby, 307-tarmaǵy boıynsha kináli dep tanylyp, 500 aılyq eseptik kórsetkish, ıaǵnı 1 134 500 teńge kóleminde aıyppul tóleýge mindetteldi», - delingen sottyń resmı habarlamasynda.
Qylmystyq kodekstiń 41-babyna sáıkes, aıyppul tólenbese, árbir 4 AEK bir kúnge túrmege qamaý sharasymen aýystyrylady. Bul degenimiz, J. aıyppuldy tólemegen jaǵdaıda 4 aıǵa bas bostandyǵynan aıyrylady.
