Úıdiń aýlasyna shlagbaým qoıǵandarǵa aıyppul salynady
ASTANA. QazAqparat - Astana qalalyq turǵyn úı ınspektsııasynyń basshysy Álıxan Qýatbekovtiń aıtýynsha, shlagbaým qoıý máselesi ınspektsııanyń quziretine kirmese de, aýlaǵa kirýge shekteý jasaǵany úshin tótenshe jaǵdaılar qyzmeti aıyppul salýy ábden múmkin, dep xabarlaıdy QazAqparat tilshisi.
"Búginde páter ıelenýshiler kooperatıviniń sheshimimen aýlanyń terrıtorııasyn qorshap, shlagbaým qoıýǵa ruqsat joq. Sebebi ol - jalpyǵa ortaq jer. Qazir shlagbaýmdardy nemese basqa bir toqsaýyldardy, tipti bloktardy qoıyp jatqandar bar. Ol durys emes. Aýlaǵa bári birdeı kire alýy tıis. Al qandaı da bir tosqaýyldar qoıylsa, tótenshe jaǵdaılar qyzmetiniń páter ıelenýshiler kooperatıvine aıyppul salýǵa quqysy bar", - dedi Á.Qýatbekov.
Onyń aıtýynsha, qazirgi kezde shlagbaýmdy ornatyp, onyń qasyna adam otyrǵyzyp qoıatyn aýlalar da bar. Degenmen, ondaı tosqaýyldardy da qoıýǵa ruqsat joq. Ótken jyly elordanyń tek Almaty aýdanynda ǵana 100-den astam shlagbaýmdy buzyp tastady.
