Úıdi jóndeımin dep úıindiniń astynda qaldy - VIDEO
ASTANA. QazAqparat - Brıtanııanyń Eshton-andar-Laın qalasynda tanymal vıktorıan aqyny Frensıs Tompsonnyń burynǵy úıi jergilikti jumysshynyń «sıqyrynan» keıin, oılamaǵan jerden topyraq úıindisiniń astynda qaldy.
Bári jergilikti turǵyndardyń bıliktegilerge kóne ekiqabatty qurylysqa baılanysty shaǵymynan bastalǵan. Ol úıden ara-tura synyqtar qulap tursa kerek. Máseleni anyqtaý úshin ǵımaratqa tehnıkamen ınjenerler jasaǵy jiberilgen, dep jazady The Daily Mail. Olardyń bireýi kótergish kran arqyly úıdiń tóbesine deıin shyǵyp, joǵarydan onyń oıynsha, eń jaramsyz degen kirpishterdi ala bastaǵan. Alaıda er adamnyń óz isimen áýestenip ketkeni sonshalyq, ol bóreneni tartyp qalyp, barlyq máseleni oılamaǵan jerden sheshti: ǵımarat opyrylyp qulady.
Ǵımaratty buzyp jatqanyn qaýipsiz qashyqtyqtan birneshe adam baqylap turǵan. Olardyń bireýiniń sózine qaraǵanda, jumysshylar qabyrǵany buzǵysy kelmegen, bar bolǵany olar qaýipti fragmentterdi alyp tastamaq bolǵan. Biraq bir kirpishti durys tartpasa kerek. Atalǵan oqıǵa barysynda eshkim zardap shekken joq. Aǵylshyn aqyny Frensıs Tompson bul ǵımaratta 1864-1885 jyldary turǵan eken.
