Úıdi basqarýdyń jańa formasy turǵyndar úshin qanshalyqty tıimdi
ALMATY. QazAqparat - Almatyda 600 múlik ıeleriniń birlestigi tirkeldi jáne 2182 jaı seriktestik tańdaldy. Bul týraly Almaty qalasynyń Turǵyn úı saıasaty basqarmasy basshysynyń orynbasary Nurbol Qajın Óńirlik kommýnıkatsııalar qyzmetinde ótken brıfıngte aıtty, dep habarlaıdy QazAqparat tilshisi.
«Búgingi kúni Almaty qalasy boıynsha 2975 kóppáterli turǵyn úıdi qamtıtyn 2782 jańa basqarý nysany tirkeldi. Bul turǵyn úı qorynyń jalpy sanynyń 39%-y ǵana. Aıta ketsek, birneshe kópqabatty úıdiń turǵyndary kóbinese bir MIB-ti nemese JS-ti tirkeıdi «Dolına roz», «Keremet», «Premera» jáne basqa da turǵyn úı keshenderi osyndaı qaǵıdatqa negizdelgen», – dedi Nurbol Qajın.
Onyń aıtýynsha, MIB pen JS-ke kóshken úı turǵyndary turǵyn úı qoryn kútip-ustaýǵa jumsalatyn shyǵyndardyń qandaı ekenin kóre alady. ıAǵnı úılerdi basqarýdyń jańa formalaryna kóshirý óte oryndy, óıtkeni turǵyn úı-kommýnaldyq sharýashylyq reformasy úılerdi kútip-ustaý sapasyn arttyrýǵa múmkindik beredi, sebebi muny turǵyndardyń ózderi jasaıdy.
«Almaty qalasynda elimizdegi eń iri turǵyn úı qory bar, onyń 820-dan astam basqarý organdaryna qyzmet kórsetetin 8645 kópqabatty turǵyn úı. Bul MIB, JS, PITK. Búgingi tańda 50-ge jýyq ıesiz basqarý organdary joıyldy. Bul rette 7517 kópqabatty turǵyn úı ǵana basqarýdyń jańa nysandaryna kóshýge jatady. Qalǵandary eskirgen dep tanyldy nemese olardyń menshik ıeleri Qazaqstandyq Ipotekalyq kompanııa, kommýnaldyq turǵyn úı qory», – dedi ol.
Spıker qala turǵyndary basqarýdyń jańa formalaryna kóshý qarqynyn arttyrý qajettigin atap ótti. Ákimdik kópqabatty úıler turǵyndarynyń bastamasyn qoldaýǵa jáne máseleni sheshýge kómektesýge daıyn, ol úshin segiz mobıldi top qurylyp, qalalyq jol kartasy, sondaı-aq turǵyndar arasynda jınalystar ótkizý kestesi bekitildi.
«Aýdandar boıynsha segiz mobıldi top quryldy, olarǵa turǵyn úı ınspektsııasy men ákimdikterdiń ókilderi kiredi. Olar turǵyndarmen jáne qoldanystaǵy basqarý organdarynyń basshylarymen túsindirý jumystaryn júrgizedi, MIB jáne JS kóshý algorıtmin túsindiredi. Jyl basynan beri 800 jınalys ótkizildi», – deıdi basqarma basshysynyń orynbasary.
Ol sóz sońynda almatylyqtardy basqarýdyń jańa formalaryna belsendi kóshýge shaqyrdy.
Eske salsaq, zań talaptaryna sáıkes elimizdegi barlyq kóppáterli úıler 2022 jyldyń 1 shildesine deıin úıdi basqarý organyn aýystyrýy tıis. Jumys istep turǵan PIK-tiń ornyna «bir úı – bir múlik ıeleriniń birlestigi – bir shot» qaǵıdaty boıynsha múlik ıeleriniń birlestikteri (MIB) nemese jaı seriktestikter qurylýǵa tıis.
