#Úıdenshyqpa: Qazaqstandyqtar «Saryarqa» kúıin oryndaýdan jarysyp jatyr
NUR-SULTAN. QazAqparat - Elimizde #úıdenshyqpa urany aıasynda jańa chellendj bastaldy. Qazaqstannyń tanymal kúıshileri úıinde otyryp, «Saryarqa» kúıin oryndady, dep habarlaıdy QazAqparat.
Qurmanǵazynyń «Saryarqa» kúıin elge tanymal kúıshiler Aıgúl Úlkenbaeva, Arman Júdebaev, Asylbek Eńsepov, Aıbek Bekbosynov, Nurken Áshirov, Oljas Súleımenov, Batyrjan Myqtybaev, Dýlat Temir, Ernat Naýryz, Temirlan Oljabaı jańa onlaın formatta oryndaǵan.
«Aıbyndy kúı úıde alańdap otyrǵan halyqtyń kóńiline demeý bolyp, rýhyn kóteredi dep senemiz. «Habar» agenttiginiń osy jobasyn qoldap, ulttyq ónerdi dáriptep, ári qaraı halyq arasynda chellendj jalǵasyn tabady dep oılaımyz» delingen agenttik taratqan habarlamada.
Aıta keteıik, «Habar» agenttigi buǵan deıin «Biz birgemiz», «Úıden shyqpa» degen uranmen 20-dan asa beıne rolık ázirledi. Eki beınebaıan túsirdi.
Ánshi Ibragım Eskendirdiń «Birgemiz» jáne Tóreǵalı Tóreáli men Ábdijappar Álqojanyń oryndaýyndaǵy «Biz - qazaqtyń balasy» atty beınebaıandary tereń tarıhymyzdy eske túsirip, ór rýhymyzdy asqaqtatty.
