Úıden shyqpaı-aq mektepke qujat tapsyrýǵa bolady
ASTANA. QazAqparat - Astana qalasynyń bilim basqarmasy balany 1 synypqa berý úshin qujattardy onlaın tapsyrý múmkindigi bar ekenin eske salady, dep habarlaıdy QazAqparat qala ákimdigine silteme jasap.
Ótinimdi rásimdeý úshin e.astana.kz saıtyna kirip, baılanys derekteri men qajetti qujattardyń skanerlengen kóshirmesin kórsetý qajet.
«Portal 24/7 rejıminde jumys istep tur, osylaısha ata-analar jumysta nemese úıde otyryp-aq, mektepke ótinim bere alady», - delingen vedomstvo hatynda.
Balalardy 1 synypqa qabyldaý úshin mekenjaı anyqtamasy qajet emes.
«Kompıýter nemese ınternet bolmaǵan jaǵdaıda ata-ana elektrondy tsıfrlyq qoltańba arqyly jaqyn mektepke barady, ETsQ joq bolsa, qujattardy qaǵaz túrinde tapsyra alady», - dep atap ótti qalalyq bilim basqarmasy.
Eske sala ketsek, balalar mektepke 6-7 jastan bastap qabyldanady, 31 jeltoqsanǵa deıin 6 jasqa tolatyn balalar da 1 synypta oqı alady.
Mektepke qabyldaný úshin ata-ananyń nemese balanyń basqa zańdy ókilderiniń ótinishi (qujattardy qaǵaz túrinde bergen jaǵdaıda); balanyń týý týraly kýáliginiń kóshirmesi; densaýlyq jaǵdaıy týraly anyqtama (026/ý-3 forma) qujattaryn; 3h4 kólemindegi sýretter (2 dana) bar.
Qosymsha aqparatty 55-68-83, 55-68-73 telefon nómirleri arqyly bilýge bolady.
