Úıdegi zorlyq-zombylyqqa qarsy kúres - qoǵamdyq is – Aıda Balaeva
QR Aqparat jáne qoǵamdyq damý mınıstri Aıda Balaevanyń sózine qaraǵanda, álemdik problema jyl saıyn bizdiń qoǵamda da ózekti bolyp otyrǵany ókinishti jaǵdaı. Epıdemııa bastalǵaly jáne karantındik sharalar engizilgen ýaqytta úıdegi zorlyq-zombylyq 20 paıyzǵa artqan.
«Bul jaǵdaı bizdi alańdatyp otyr. Úıdegi zorlyq-zombylyq qoǵamdyq rezonansty qalyptastyratyny anyq. Kún saıyn BAQ-ta jáne áleýmettik jelide otbasylyq sumdyq janjaldardyń oqıǵalaryn kóremiz. Osy janjdaldar tragedııamen aıaqtalyp, balalar jetimdiktiń taýqymetine tap bolyp jatady», - dedi A. Balaeva.
Osy oraıda mınıstr bul máseleni sheshýmen júıeli túrde memleket aınalysyp jatqanyn jetkizdi. Pandemııa bastalǵannan beri otbasylyq janjal shyǵarǵyshtardan zardap shegýshilerdi qorǵaý úshin 37 myńǵa tarta qorǵaý uıǵarymy shyǵarylyp, quqyq buzýshylarǵa qatysty 5 myńnan astam arnaıy talap bekitilgen.
Vedomstvo basshysynyń aıtýynsha, osy máselede tek quqyqtyq sharalar jetkiliksiz, ıaǵnı, júıeli qoǵamdyq jumys kerek. Bul turǵyda ÚEU-nyń, sarapshylyq qoǵamdastyqtyń, kásibı psıhologterdiń, sondaı-aq basqanyń otbasylyq baqytyna beı-jaı qaramaıtyndardyń ortaq kúsh-jigeri kerek.
«Elimizde turmystyq zorlyq-zombylyqtan zardap shekkenderge qoldaý jasaıtyndar az emes. Osy adamdar bul baǵyttaǵy jaǵdaıdy jaqsartý úshin naqty usynystar jasaýda», - dedi A. Balaeva.
