Úıdegi zorlyq-zombylyq: Úsh qalada nemistiń pılottyq jobasy iske asyrylady

ASTANA. QazAqparat – Elimizdiń úsh qalasynda áıel quqyǵyn qorǵaý jónindegi nemisterdiń pılottyq jobasy iske asyryla bastaıdy, dep habarlaıdy QazAqparat Rolisia.kz-ke silteme jasap.

Elordada «Seriktestik – turmystaǵy zorlyq-zombylyqtyń aldyn alý quraly» taqyrybynda halyqaralyq forým ótti. Sharany QR Іshki ister mınıstrligi Qazaqstandaǵy Frıdrıh Ebert qorymen birlesip uıymdastyrdy.

Málim bolǵandaı, áıel quqyǵyn qorǵaý jónindegi pılottyq joba Astana, Almaty jáne Pavlodar qalalarynda iske asyryla bastaıdy.

«Turmystaǵy zorlyq-zombylyq álemniń kóptegen elderinde sııaqty bizdiń qoǵamda da ózekti bolyp otyr. Jaqyn adamdy uryp-soǵýǵa, azaptaýǵa, tipti óltirýge deıin barýǵa ne túrtki bolatynyn anyqtamaıynsha, ókinishke qaraı, zańnamalyq ta, uıymdastyrýshylyq ta sharalar bul máseleniń túıinin sheshe almaıdy. Mundaı qatygezdik neden týady? Áleýmettik-turmystyq sebepterdiń jıyntyǵynan bólek, munda tereńde jatqan tárbıe jáne otbasylyq qundylyqqa qatysty otbasyndaǵy atmosfera máselesi de bar. Jas urpaqtyń psıhologııalyq densaýlyǵyn qamtamasyz etý – bul bútin ult densaýlyǵyna áser etetin strategııalyq mańyzdy faktor», – dep atap ótti QR Prezıdenti Ákimshiligi basshysynyń orynbasary Aıda Balaeva.

Іshki ister mınıstri Marat Ahmetjanovtyń aıtýynsha, kóptegen ozyq memleketter nemis júıesin qoldanyp jatyr.

«Nemis júıesi kóptegen ozyq elderde qoldanylady. «ODARA» quraly aldyn alý jumystaryna baǵyttalǵan. Otbasylyq janjaldar búkil álemde birdeı sıpatqa ıe. Germanııada da, bizde de keıbir áıelder ajyrasqysy kelmeıdi, biraq jubaıynyń nemese otbasy múshesiniń minez-qulqyn túzetýdi qalaıdy. Bul júıe kimge profılaktıkalyq áńgimeniń jetkilikti ekenin, kimge qatysty qatań sharalar qabyldaý kerektigin anyqtaýǵa kómektesedi», – dedi M.Ahmetjanov.
«Eger bul máselemen tek polıtsııa aınalysatyn bolsa, bul tıimsiz bolady. Búgin bul týraly birneshe ret aıtyldy. Men bizdiń tájirıbemizden rastaı alamyn. Eger jaqsy jetistikke jetýdi qalasańyzdar, vedomstvoaralyq yntymaqtastyq qurý qajet. 90-shy jyldardyń ózinde Germanııada vedomstvoaralyq ózara is-qımyl jolǵa qoıyldy, ol búgingi kúnge deıin damyp keledi», – dedi Landaý qalasynyń (Germanııa) polıtsııa qyzmetiniń bas komıssary Barbara Emrıh.

Aıta keteıik, «ODARA» – bul saýalnama. Ony Kanadanyń psıhıkalyq densaýlyqty zertteý ortalyǵy ázirlegen. Saýalnamajaqyn qarym-qatynastaǵy adamdar arasyndaǵy zorlyq-zombylyq faktisin qarastyryp jatqan polıtsııa qyzmetkerine zombylyqtyń qaıtalaný yqtımaldyǵyn baǵalaýǵa múmkindik beredi. 13 suraqtan turatyn saýalnama tıisti sheshim shaǵyrýǵa kómektesedi delinedi.

Foto: polisia.kz