«Úıdegi ınternettiń» jyldamdyǵy artty
ALMATY. 10 qyrkúıek. QazAqparat - «KaR-Tel» men «2Day Telecom» jaýapkershiligi shekteýli seriktestikteri «Úıdegi ınternet» qyzmetiniń qoldanystaǵy 5 tarıf josparynyń jyldamdyǵyn ulǵaıtty.
«Bıylǵy jyly kompanııa saıasatynda mobıldi jáne symdy ınternettiń tarıftik taqtasyn jaqsartqan aıtarlyqtaı ózgerister boldy. Symdy ınternettiń qoldanystaǵy tarıftik taqtasyn jańartqan soń, biz syrtqy resýrtarǵa shyǵatyn jyldamdyqty 70 Mbıt/s-qa jetkizip, Qazaqstandaǵy eń joǵarǵy bolyp sanalatyn jańa rekordty ornattyq», - deıdi «2Day Telecom» JShS-nyń bas dırektory Grıban Vıktor.
Onyń aıtýynsha, endi «Úıdegi ınternet» qyzmetiniń abonentteri symdy ınternetti tómendegideı jyldamdyqta paıdalanatyn bolady: bastapqy lımıtsiz - jańa jyldamdyq 20 Mbıt/s (aldyńǵy jyldamdyq 12 Mbıt/s); tanymal lımıtsiz - jańa jyldamdyq 40 Mbıt/s (aldyńǵy jyldamdyq 20 Mbıt/s); klassıkalyq lımıtsiz - jańa jyldamdyq 60 Mbıt/s (aldyńǵy jyldamdyq 30 Mbıt/s); túngi lımıtsiz - jańa jyldamdyq 60 Mbıt/s (aldyńǵy jyldamdyq 40 Mbıt/s); SUPERVIP - jańa jyldamdyq 70 Mbıt/s (aldyńǵy jyldamdyq 50 Mbıt/s).
