Úıde jalǵyz qalǵan úsh jasar qyz terezeden qulap ketti
ASTANA. QazAqparat - Samarada tórtinshi qabattan qulaǵan úsh jasar qyz aýrýhanaǵa jetkizildi. Bala úıde jalǵyz qalǵan, dep habarlady ІІM oblystyq basqarmasynyń baspasóz qyzmeti.
Oqıǵa qalanyń Kýıbyshev aýdanynda oryn aldy. Polıtsııanyń aqparatyna súıensek, balanyń ákesi túngi aýysymdaǵy jumysta bógelip qalǵan, al anasy úıde uıyqtap jatqan qyzdy jalǵyz qaldyryp jumysyna ketken. Aldyn ala nusqa boıynsha moskıtti torǵa súıengen qyz terezeden qulap ketken. Búldirshin aýrýhanada jatyr.
Dárigerler ishtiń jabyq jaraqaty men denesiniń kógergenin, terisi sydyrylǵanyn. Balanyń anasyna kámeletke tolmaǵan búldirshindi kútý jáne tárbıeleý mindetterin oryndamaǵany úshin ákimshilik hattama jasaldy.
