Úıde ash qalǵan 40 mysyq qarttyń máıitin jep qoıǵan
ASTANA. QazAqparat - Reseıde Omby qalasynda óziniń mysyqtary jep qoıǵan zeınetkerdiń máıiti tabyldy.
Bul jaıly juma kúni Om1.ru portalynda jarııalandy.
Zeınetker jeke úı-jaıda ózi jalǵyz bolǵan. Ózi ǵana turatyn ol úıinde 40 mysyq ustaǵan kórinedi. Portal málimetinshe, zeınetker ýaqytynyń kóp bóligin úıiniń aýlasynda ótkizip, anda-sanda dúkenge baryp turǵan.
Ony kórshileri sońǵy ret shilde aıynyń basynda kórgen. «Alańdaýly kórshileri keıingi kezderi zeınetkerdiń ne kóshege, ne dúkenge shyqpaı qalǵanyn baıqaǵan. Olar úı mańyn aralap shyqqanymen, kúmán týdyrarlyq eshnárse kórmegen», - delingen portal habarlamasynda. Osydan keıin qala turǵyndary polıtsııa qyzmetine júginip, tártip saqshylary zeınetkerdiń úıiniń esigin buzyp kiredi. Úı ishinen er adamnyń máıiti tabylǵan. Boljam boıynsha ash qalǵan mysyqtar zeınetkerdiń múrdesin azyq etip, artynan birin-biri jeı bastaǵan. Habarlamada sońynda tek bir janýardyń ǵana tiri qalǵandyǵy aıtylady.
