Uıaly telefonynyń qýattandyrý quraly jarylǵan stýdent aýrýhanaǵa tústi
ASTANA. QazAqparat - Oral qalasynda oblystyq balalar aýrýhanasyna esinen tanǵan 17 jastaǵy qyz jetkizildi, dep habarlady QazAqparat "Moı GOROD" saıtyna silteme jasap.
«Aýrýhanaǵa 5 qazan kúni túsken boıjetkenniń qazirgi ýaqyttaǵy jaǵdaıy qanaǵattanarlyq. Aldyn ala boljam boıynsha, uıaly telefondy qýattandyratyn qural jarylǵan. Kúıik pen ózge dene jaraqattary joq. Qyz qatty shoshynǵan sekildi», - dep habarlady densaýlyq saqtaý basqarmasynyń baspasóz qyzmetinen.
Oqıǵa Dosmuhamedov atyndaǵy Oral pedagogıkalyq kolledjiniń jataqhanasynda bolǵan.
Alǵashynda jataqhana basshylyǵy qysqa tuıyqtalý bolyp, ushqyn paıda bolǵanyn, biraq telefonnyń jumys istep turǵanyn aıtyp, aqparatty rastaǵan edi. Alaıda, keıinirek, kolledj bul aqparatty teriske shyǵaryp, eshqandaı jarylystyń bolmaǵanyn, al qyz qan qysymynyń joǵarylaýynan esinen tanǵanyn málimdedi.
