Uıaly telefonyn vannaǵa túsirip alǵan jigit qaza tapqan
ASTANA. QazAqparat - Reseıdiń Irkýtsk qalasynyń 28 jastaǵy turǵyny sý toly vannaǵa uıaly telefonyn túsirip alǵan soń, qaıtys bolǵan. Bul týraly aımaqtyń ІІM qalalyq basqarmasynyń baspasóz qyzmetinen habarlaıdy, dep jazady Ýtro.rý.
Er adamnyń qaza bolǵany týraly quqyq qorǵaý organdaryna onyń jubaıy habar bergen. Ol kúıeýin vannadan óli kúıinde taýyp alǵan.
«Qalalyq polıtsııa bólimshesiniń tergeý-jedel izdestirý toby bul azamattyń elektr toǵynyń soǵýynan qaza bolǵanyn anyqtady. Aldyn-ala boljamdarǵa qaraǵanda, vannada jýynyp jatqan ol elektr jelisine qosýly turǵan uıaly telefonyn sýǵa túsirip alǵan. Oqıǵanyń anyq-qanyǵyn anyqtaý úshin tergeý aldyndaǵy tekserý jumystary júrgizilip, sot-medıtsınalyq saraptama jasalady», - deıdi polıtsııa qyzmetkerleri.
