Uıaly telefonmen túsirilgen beınerolıkterge baıqaý jarııalandy
ASTANA. 12 shilde. QazAqparat /Jasulan Amanbaıuly/ - Respýblıkada «Týǵan elge tyrnaqaldy tartý» degen atpen uıaly telefonmen túsirilgen beıneklıpter baıqaýy jarııalandy.
Joba uıymdastyrýshylary - kiwi.kz portaly men «Qazaqstan stýdentteriniń alıansy» jastar uıymy.
«Bizdiń basty maqsatymyz - shyǵarmashyl jastardy tabý, qysqametrajdy kıno túsirýmen áýestenetin jas rejısserler arasynan talaptylardy anyqtaý», - deıdi joba jetekshisi Álııa Appasova.
Uıymdastyrýshylar qatysýshylardyń jas shamasyna nemese taqyrybyna shekteý qoıyp otyrǵan joq. Alaıda, «Qazaqstan stýdentteriniń alıansy» uıymynyń basshysy Shyńǵys Beskempirovtiń aıtýy boıynsha, beınerolıkter zulymdyqty úgitteıtin kórinisterden turmaýy jáne ýaqyty 10 mınýttan aspaýy tıis.
Jobaǵa atsalysý úshin qatysýshylar óz beınebaıandaryn portaldaǵy «Týǵan elge tyrnaqaldy tartý» atty bólimge salýy qajet. Úzdik beınerolıkter kópshiliktiń daýys berýi arqyly anyqtalady. Internetke qosylǵan kez kelgen adam saıtqa salynǵan týyndylardy qaraı otyryp, kóńiline jaqqan beınebaıanyna daýys bere alady.
«Sonymen qatar beınerolık ıdeıasynyń krıatıvtiligine, onyń shyǵarmashylyq kózqarasyna jáne sheberligine kóńil aýdaratyn bolady. Jeńimpazdarǵa iphone, ipad, imac syndy baılanys quraldary beriledi», - deıdi Sh. Beskempirov.
Baıqaý 15 shilde men 25 tamyz aralyǵynda ótedi.
