Uıaly telefondy túnde paıdalaný zııandy
ASTANA. QazAqparat - Dárigerler uıaly telefondy túnde paıdalaný zııandy dep esepteıdi. Mysaly, 26 jasar qytaılyq kóz torynyń qabattanýynan soqyr bolyp qala jazdaǵan.
Ol óz súıiktisimen jeti kún boıy túnde úzdiksiz habarlama jazysqan. Dárigerlerge shuǵyl túrde ota jasaýǵa týra keldi, deıdi The Daily Mail.
Eger jyldam shara qoldanylmaǵanda, er adam zaǵıp bolyp qalar edi. Kóz tory - sáýle sezgish element, ol kóz tamyry arqyly mıǵa belgi jiberedi. Kóz torynyń qabattanǵanyn kóz aldynda kútpegen jarqyl nemese daqtar paıda bolǵannan bilýge bolady. Ásirese, bul 50-70 jas aralyǵyndaǵy adamdarda bolady. Alaıda bul tehnıkany belsendi paıdalanatyn jastardyń da kóz torynyń qabattanýy múmkin.
Mobıldi telefondardyń ekrany kózge salmaq túsiredi. Onyń jaryǵynyń ashyqtyǵynan tys eki ólshemdi beıneniń mańyzy zor. Adamnyń kózi úsh ólshemdi nysandardy aıyra alady, al bul jerde oǵan beıimdelý qajet.
Eger kóz tory qabattanbasa da, alystan kórý qabiletin tómendetetini anyq. Focus Clinics klınıkasynyń negizin qalaýshy Devıd Allambıdiń aıtýynsha, 1997 jyldan, ıaǵnı smartfon paıda bola bastaǵan kezden bastap alystan kórmeıtinder 35 paıyzǵa ulǵaıǵan. Taıaýda bul kórsetkish 50 paıyzǵa ulǵaıýy múmkin.
