Uıaly telefondy paıdalanǵanda qaterli isiktiń paıda bolýy túsindirildi
ASTANA. QazAqparat - Amerıkandyq fızık Bernard Feldman uıaly telefon sáýlesinen týyndaǵan egeýquıryqtaǵy qaterli isiktiń týyndaý sebebin tapqan sekildi, dep habarlaıdy Lenta.rý.
Feldmannyń aıtýynsha, eger egeýquıryqtarǵa mobıldi sáýleniń zııan ekeni týraly sarapshylar tujyrymy ras bolsa, tájirıbe mynadaı túsinikteme bere alady. Egeýquıryqtyń bas mıy jáne júrek aınalasyndaǵy neırondar tuıyq elektr tizbegin qurady jáne Faradeı zańyna sáıkes jıiligi 900 megagerts radıosáýle sondaı jıiligi bar elektr togyn týdyrady.
Óz kezeginde elektr togy ulpalardyń jergilikti jylynýyna jáne kantserogendi radıkaldar teńgeriminiń ózgerýine ákep soǵady. Osy arqyly qaterli isik aýlarynyń damý yqtımaldyǵy artady.
Mamyr aıynda AQSh Ulttyq densaýlyq ınstıtýtynyń ǵalymdary uıaly telefon sáýlesiniń egeýquıryqtarǵa zııan ekenin habarlady. Ǵalymdardyń zertteýi áriptesterdiń ártúrli pikirlerin týdyrdy. Buǵan deıin Sıdneı ýnıversıtetiniń mamandary uıaly telefondy paıdalanýdyń qaterli isikke esh áser etpeıtinin dáleldegen edi.
