Uıaly telefondarǵa qatysty tonaý qylmystary tómendedi
ASTANA. QazAqparat - Kóshelerdegi quqyqtyq tártipti kúsheıtý nátıjesinde, sondaı-aq tonaýǵa qarsy birqatar jedel-aldyn alý is-sharalar júrgizý arqyly respýblıka boıynsha qaraqshylyq shabýyl sany 9,8 paıyzǵa, tonaý sany 10,4 paıyzǵa sany qysqardy, dep habarlaıdy QazAqparat.
QR ІІM baspasóz qyzmeti málimetinshe, buǵan kóshe jasaqtaryn kóbeıtý, jedel basqarý ortalyqtaryn damytý, beınebaqylaý júıesin engizý, vedomstvolyq baqylaýdy kúsheıtý jáne basqada júzege asyrylǵan sharalar yqpal etti.
Aǵymdaǵy jylǵy 10 aıdyń qorytyndysy boıynsha tirkelgen qaraqshylyq shabýyl faktileriniń sany ótken jyldyń sáıkes merzimimen salystyrǵanda 728 faktiden 657 faktige deıin, al tonaý 10 422-den 9 337 faktige deıin tómendedi.
«Sonymen birge ishki ister organdarynyń osy qylmystardy ashýdaǵy kórsetkishteriniń jaqsarǵanyn atap aıtýǵa bolady, onyń ishinde qaraqshylyq faktisin ashý 6,9 paıyzǵa, al tonaý qylmysyn ashý 9,6 paıyzǵa artty. Qaraqshylyq jáne tonaý qasaqana-kúsh qoldaný qylmysyna jatady, qylmyskerlerdiń maqsaty - ózgeniń múlkin ıemdený. Negizinen qaraqshylyq jáne tonaý uıaly telefondarǵa, aqshaǵa, aýdıo-beıne apparatýralarǵa, zergerlik buıymdar men ózge de múlikterge qatysty jasalady»,-dep atap ótilgen QR ІІM habarlamasynda.
