Uıaly telefondardy tirkeý erejesin saqtamaǵan operatorlar jaýapqa tartylmaq
«Ashyq» NQA portalynda jarııalanǵan tujyrymdama birneshe mańyzdy baǵytty qamtyǵan. 4 jyldyq jospar turǵyndar qaýipsizdigi jáne azamattardyń quqyq qorǵaý qyzmetkerlerimen áriptestikte jumys isteýine negizdelgen.
«Osy jobany qabyldaý onyń barlyq sýbektileriniń ortaq jaýapkershiligi negizinde quqyq buzýshylyq profılaktıkasynyń tutas júıesin qurý arqyly qoǵamdyq qaýipsizdikti qamtamasyz etý jónindegi sharalardyń tıimdiligin arttyrýǵa múmkindik beredi. Іske asyrylyp jatqan sharalar Jahandyq beıbitshilik ındeksiniń, «WJP Rule of Law Index» zań ústemdigi ındeksiniń, Jol-kólik jaraqattary jónindegi dúnıejúzilik densaýlyq saqtaý uıymynyń reıtıngterindegi pozıtsııany jaqsartýǵa múmkindik beredi», - delingen qujatta.
Tujyrymdamany iske asyrý aıasynda myna sharalar qolǵa alynady:
- Zorlyq-zombylyq qurbandaryna (áıelderge, balalarǵa, qarttarǵa) keshendi kómek kórsetý qajettiligin eskere otyryp, óńirlerde daǵdarys ortalyqtary jelisin keńeıtý;
- Qoǵamdyq uıymdarmen jáne qaıratkerlermen birlese otyryp, daǵdarys ortalyqtary jumysynyń arnaýly áleýmettik qyzmetter kórsetý standartyna sáıkestigine turaqty monıtorıng júrgizý praktıkasyn engizý;
- Nekeni buzý protsesterinde otbasylyq daýlar men janjaldar boıynsha tegin medıatsııa rásimin engizý;
- Tıisti standartty ázirleı otyryp, otbasylyq- turmystyq janjaldar kezinde agressorlardyń minez-qulqyn túzetý boıynsha psıhologııalyq kómek kórsetý baǵdarlamalaryn engizý;
- 5 jyldaǵy áıelder men balalarǵa qatysty zorlyq-zombylyqtyń aýqymynyń, sebepteri men saldarynyń dınamıkasy, sondaı-aq olardyń aldyn alý jónindegi sharalardyń tıimdiligi týraly zertteý júrgizý (BUU-nyń Qazaqstandaǵy beıindi agenttikterimen yntymaqtastyqta kelisim boıynsha);
- Abonenttik qurylǵylardy tirkeý qaǵıdalaryn saqtamaǵany úshin uıaly baılanys operatorlarynyń jaýapkershiligin engizý;
- Qazaqstannyń Eýropa Keńesiniń kompıýterlik qylmysqa qarsy konventsııasyna qosylýy;
- Alkogol jáne esirtki boıynsha eýropalyq mekteptegi zertteýler jobasynyń (ESPAD) ádisnamasy boıynsha 14-18 jas aralyǵyndaǵy oqýshylar arasynda psıhıkalyq belsendi qoldanýdyń taralýyn baǵalaý boıynsha jylyna keminde 1 ret turaqty monıtorıng rásimin engizý jáne taǵy da basqa sharalar kesheni.
Іshki ister mınıstrliginiń málimetine saı, osy jumystardy oryndaý nátıjesinde kóshede jalǵyz júrgende ózin tolyq qaýipsiz sezinetin adamdar úlesin 2028 jylǵa deıin 63,6%-ǵa jetkizý josparlanǵan.
Sonymen qatar, 2030 jylǵa qaraı 100 myń turǵynǵa shaqqanda jol-kólik oqıǵalary kezinde qaıtys bolǵandar sany 10,3-ke deıin tómendetý kózdelip otyr.
Buǵan qosa, Álemdik beıbitshilik ındeksi reıtıngindegi Qazaqstannyń pozıtsııasyn 85-orynnan 60-orynǵa deıin joǵarylatý.
Qujattyń tolyq mátinin myna silteme boıynsha ótip, kórýge bolady.
