Uıaly telefondar qaterli isik shaqyrýy múmkin
ASTANA. 1 maýsym. QazAqparat - Uıaly telefondar qaterli isik shaqyrýy múmkin. Dúnıejúzilik densaýlyq saqtaý uıymynyń sarapshylary osyndaı qorytyndyǵa kelip otyr,
dep habarlaıdy Associated Press agenttigi.
Medıkter, uıaly telefondy paıdalaný mindetti túrde obyrǵa ákeledi deýden aýlaq. Degenmen, uıaly telefondardy paıdalaný bas mıynyń qaterli isigine ákelý yqtımaldyǵyn joqqa shyǵarmaıdy.
Esterińizge sala keteıik, uıaly telefonnyń «jaman aýrýǵa» sebep bolý yqtımaldyǵy týraly az aıtylyp júrgen joq, biraq onyń naqty dáleli áli de bolsa kemshin. Jáne aıtylyp júrgen áńgimelerge qaramastan, uıaly telefonnan bas tartqaly otyrǵan eshkim baıqalmaıdy, tipti medıkterdiń ózderi de.
