Uıaly baılanys jelilerinde abonenttik nómirdi kóshirý qaǵıdalary bekitildi

Qazaqstan Respýblıkasy Investıtsııalar jáne damý mınıstrliginiń buıryǵy

2015 jylǵy 26 qarasha Astana qalasy №1105

Uıaly baılanys jelilerinde abonenttik nómirdi kóshirý qaǵıdalaryn jáne uıaly baılanys jelilerinde abonenttik nómirdi kóshirý qyzmetterin engizý kúnin bekitý týraly

«Baılanys týraly» 2004 jylǵy 5 shildedegi Qazaqstan Respýblıkasy Zańynyń 8-baby 1-tarmaǵynyń 8-5) tarmaqshasyna sáıkes buıyramyn: 1. Mynalar: 1) qosa berilip otyrǵan uıaly baılanys jelilerinde abonenttik nómirdi kóshirý qaǵıdalary; 2) uıaly baılanys jelilerinde abonenttik nómirdi kóshirý qyzmetterin engizý kúni 2016 jyldyń 1 qańtary bolyp bekitilsin. 2. Qazaqstan Respýblıkasy Investıtsııalar jáne damý mınıstrliginiń Baılanys, aqparat­tandyrý jáne aqparat komıteti (T.B. Qazanǵap): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde, sondaı-aq Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna resmı jarııalaýǵa onyń kóshirmelerin baspa jáne elektrondyq túrde jiberýdi; 3) osy buıryqtyń Qazaqstan Respýblıkasy Investıtsııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investıtsııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investıtsııalar jáne damý vıtse-mınıstrine júktelsin. 4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalaýǵa jatady.

Qazaqstan Respýblıkasy Investıtsııalar jáne damý mınıstriniń mindetin atqarýshy A. RAÝ.

Uıaly baılanys jelilerinde abonenttik nómirdi kóshirý qaǵıdalary

1. Jalpy erejeler 1. Uıaly baılanys jelilerinde abonenttik nómirdi kóshirý qaǵıdalary (budan ári - Qaǵıdalar) «Baılanys týraly» 2004 jylǵy 5 shildedegi Qazaqstan Respýblıkasy Zańynyń 8-baby 1-tar­maǵynyń 8-5) tarmaqshasyna sáıkes ázirlendi (budan ári - Zań) jáne abonenttik nómirdi uıaly baılanys jelilerinde kóshirý, abonenttik nómirlerdiń ortalyqtandyrylǵan derekqorynyń jumys isteý jáne onyń resýrstaryna qol jetkizýge ruqsat berý, sondaı-aq abonenttik nómirlerdi kóshirýge qatysýshylardyń arasyndaǵy uıymdastyrýshylyq-tehnıkalyq is-qımyl men ózara eseptesý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) abonenttik nómirdi kóshirý - abonenttiń basqa uıaly baılanys operatorymen uıaly baılanys qyzmetterin kórsetý týraly jańa shart jasasý kezinde oǵan usynylatyn, uıaly baılanys jelilerinde abonenttik nómirdi saqtap qalý jáne paıdalaný boıynsha kórsetiletin qyzmet; 2) abonenttik nómirlerdiń ortalyqtandyrylǵan derekqory (budan ári - ANODQ) - osy qaǵıdalar aıqyndaıtyn málimetterdi qosa alǵanda, uıaly baılanystyń abonenttik nómirleri týraly aqparatty qamtıtyn derekqorlardy basqarýdyń apparattyq-baǵdarlamalyq kesheni; 3) ANODQ operatory - ANODQ qalyptastyrýdy, onyń jumys isteýin, ony qoldap otyrýdy jáne damytýdy qamtamasyz etetin jáne onyń resýrstaryna qol jetkizýdi usynatyn uıym; 4) abonenttik nómirdi kóshirýge qatysýshylar - uıaly jáne tirkelgen baılanys operatorlary, abonent jáne ANODQ operatory; 5) abonentti sáıkestendirý kartasy - abonentti sáıkestendiretin jáne abonentke uıaly baılanys operatorynyń qyzmetterine qatynaýdy qamtamasyz etetin (SIM/R-UIM - karta jáne basqalary) abonenttik qurylǵynyń bir bóligi bolyp tabylatyn mıkroprotsessorlyq modýldi bildiretin jeke qatynaý kartochkasy; 6) baǵyttaý nómiri (routing number, RN) - uıaly baılanys jelilerinde jáne ortaq paıdalanylatyn telekommýnıkatsııa jelisinde uıaly baılanystyń kóshirilgen abonenttik nómirine shaqyrýlar jasaý úshin qoldanylatyn adresti aqparat. Baǵyttaý nómiri (routing number, RN) prefıksten (bir onaltylyq sanaý júıesindegi «D» tsıfry) jáne ondyq sanaý júıesindegi eki tańbaly uıaly operator jelisiniń kodynan turady; 7) bastapqy operator - abonentke birinshi ret abonenttiń nómirin kóshirý júzege asyrylǵan nómirleý resýrsy alǵashqy ret berilgen uıaly baılanys operatory; 8) donor-operator (budan ári - donor) - baılanys júıesinen abonenttik nómirdi kóshirý júzege asyrylatyn uıaly baılanys operatory; 9) qysqa mátindik habarlama (SMS, USSD) - belgili birizdilikpen terilgen áripterden jáne (nemese) sandardan jáne (nemese) sımvoldardan turatyn jáne uıaly baılanys operatory jelisiniń tehnıkalyq múmkindikterimen jáne abonenttik qurylǵymen múmkin bolatyn kólemdegi aqparattyq habarlama; 10) qate kóshirý - uıaly baılanys operatorlarymen abonenttiń ótinimisiz abonenttik nómirdi kóshirý; 11) retsıpıent-operator (budan ári - retsıpıent) - baılanys jelisine abonenttik nómirdi kóshirý júzege asyrylatyn uıaly baılanys operatory; 12) uıaly baılanys qyzmetterin kórsetýdi toqtatý - shyǵys baılanysty shekteý; 13) «All Call Query» tehnologııasy (barlyq shaqyrýlarǵa arnalǵan suratý) - tasymaldanǵan nómir týraly aqparat alý jáne shaqyrýdy budan ári baǵdary boıynsha marshrýttaý úshin shaqyrýdy basatmalaýshynyń júıesi tasymaldanǵan nómirlerdiń operatsııalyq derekqoryna suraý salýdy júzege asyratyn, uıaly baılanystyń tasymaldanǵan abonenttik nómirlerine trafık ótkizý úshin shaqyrýlardy tikeleı marshrýttaý ádisi. Osy Qaǵıdalarda paıdalanylatyn ózge uǵymdar men anyqtamalar Zańǵa sáıkes qol­danylady.

Abonentke abonenttik nómirdi kóshirý boıynsha qyzmetti uıaly baılanys operatorlary óteýsiz negizde kórsetedi.

Abonenttik nómirdi kóshirý qyzmeti abonentke kúntizbelik 60 kún ishinde bir retten jıi kórsetilmeıdi.

2. Uıaly baılanys jelilerinde abonenttik nómirdi kóshirý tártibi

Abonenttik nómirdi kóshirý retsıpıentke qyzmet kórsetý ornyna abonenttiń osy Qaǵıdalarǵa qosymshaǵa sáıkes nysan boıynsha uıaly baılanys jelilerinde abonenttik nómirdi kóshirýge ótinim (budan ári-ótinim) berýi jolymen júzege asyrylady.

Uıaly baılanys jelilerinde abonenttik nómirlerdi kóshirýdi uıaly baılanys operatorlary myna merzimderde abonenttiń ótinimi negizinde qamtamasyz etedi: 1) jeke tulǵa úshin: uıaly baılanys jelilerinde abonenttik nómirdi kóshirý qyzmeti engizilgen kúninen bastap 5 jumys saǵatyna deıin; uıaly baılanys jelilerinde abonenttik nómirdi kóshirý qyzmeti engizilgen kúninen bastap 6 aı ótken soń 2 jumys saǵatyna deıin; uıaly baılanys jelilerinde abonenttik nómirdi kóshirý qyzmeti engizilgen kúninen bastap 12 aı ótken soń 90 mınýtqa deıin; 2) zańdy tulǵa úshin: 9 jumys saǵatyna deıin. Bul rette merzimi abonent ótinim bergen kúninen jáne ýaqytynan bastap esepteledi. Retsıpıenttiń ótinimdi qabyldaýy retsıpıenttiń jumys kestesine sáıkes júzege asyrylady. Donordyń nómirdi kóshirý múmkindigin tekserý osy Qaǵıdalardyń 15-tarmaǵynda kórsetilgen merzimderde júzege asyrylady.

Abonenttik nómirdi kóshirý mynadaı sharttar bolǵan kezde júzege asyrylady: 1) uıaly baılanys jelilerinde abonenttik nómirdi kóshirýge ótinimniń durys toltyrylýy. Bul rette durys toltyrý maǵynasy ótinimniń durys jáne anyq toltyrylýyn bildiredi; 2) abonenttiń derbes derekteriniń durystyǵy. Bul rette onyń maǵynasy mynalardy bildiredi: donor men abonent arasynda jasalǵan uıaly baılanys qyzmetterin kórsetý shartyna sáıkes kóshirýge arnalǵan ótinimde kórsetilgen tulǵaǵa kóshiriletin abonenttik nómirdiń tıesiligin rastaý (ótinish berýshiniń derekterin donordaǵy abonent týraly málimettermen sáıkestendirý); 3) abonenttik nómirdi kóshirý múmkindigin rastaý - qatelikpen kóshirý jaǵdaılaryn qospaǵanda, sońǵy kóshirý sátinen bastap keminde kúntizbelik 60 kún ótti; 4) abonenttik nómirdi kóshirýge berilgen belsendi ótinimderdiń bolmaýy. Retsıpıent abonenttiń ótinimin durys toltyrýyn tekseredi, osy ótinimdi tirkeıdi jáne ANODQ-ǵa suraý salý jiberedi.

ANODQ-ǵa jiberiletin abonenttik nómirdi kóshirýge suraý salý mynadaı málimetterdi qamtıdy: 1) jeke tulǵalar úshin: abonenttik nómiri; JSN jáne (nemese) jeke basyn kýálandyrýshy qujattyń nómiri; 2) zańdy tulǵalar úshin: zańdy tulǵanyń (jeke kásipkerlerdiń) ataýy; abonenttik nómir nemese abonenttik nómirler tizbesi; zańdy tulǵanyń BSN; jeke kásipkerler úshin JSN; abonenttik nómirlerdi tolyǵymen nemese ishinara kóshirýdi tańdaý týraly nusqaý. Bul rette abonenttik nómirdi tolyǵymen kóshirýdi tańdaý abonent abonenttik nómirler tizbesinde kórsetken barlyq abonenttik nómirlerdi kóshirýdi kózdeıdi. Abonenttik nómirlerdiń bireýi boıynsha kóshirýden bas tartylǵan jaǵdaıda, ótinim tizbede kórsetilgen barlyq abonenttik nómirler boıynsha tolyǵymen qabyldanbaǵan bolyp esepteledi. Abonenttik nómirdi ishinara kóshirýdi tańdaý abonent abonenttik nómirler tizbesinde kórsetken abonenttik nómirlerdiń donordyń kóshirýge rastaýy bolǵan bóligin ǵana kóshirýdi kózdeıdi. Bul rette bir nemese birneshe abonenttik nómirler boıynsha bas tartý tizim boıynsha donordyń kóshirýge rastaýy alynǵan abonenttik nómirlerdi kóshirýden bas tartý bolyp tabylmaıdy. 10. Retsıpıentten abonenttik nómirdi kóshirýge suraý salýdy alǵan kezde ANODQ: 1) abonent málimetterin durys toltyrylýyn; 2) osy Qaǵıdalardyń 7-tarmaǵy 3) tarmaqshasynyń saqtalýyn; 3) atalǵan abonenttik nómirdi kóshirýge belsendi ótinimderdiń bolýyn tekserýdi oryndaıdy.

Tekserýdiń nátıjeleri boıynsha ANODQ abonenttik nómirdi kóshirý týraly retsıpıenttiń suraý salýyn rastaıdy nemese kelesi jaǵdaılarda retsıpıentke abonenttik nómirdi kóshirýden bas tartý týraly erkin nysanda habarlama jiberedi: 1) ótinimdegi barlyq qajetti joldardyń toltyrylmaǵany; 2) aldyńǵy abonenttik nómirdi kóshirý júzege asyrylǵan merzimnen 60 kúntizbelik kún ótken joq; 3) atalǵan abonenttik nómirdi kóshirýge arnalǵan belsendi ótinim aıqyndaldy.

Osy Qaǵıdalardyń 10-tarmaǵynyń 1) tarmaqshasynda kórsetilgen negizdeme boıynsha abonenttik nómirdi kóshirýden bas tartý týraly ANODQ-dan habarlama alǵannan keıin retsıpıent dereý kemshilikterdi joıady jáne suraý salýdy qaıtadan ANODQ-ǵa jiberedi. Osy Qaǵıdalardyń 10-tarmaǵynyń 2) jáne 3) tarmaqshalarynda kórsetilgen negizdemeler boıynsha abonenttik nómirdi kóshirýden bas tartylǵan jaǵdaıda, retsıpıent SMS jiberý jolymen abonenttik nómirdi kóshirýden bas tartý týraly abonentti habarlandyrady. ANODQ-dan abonenttik nómirdi kóshirý týraly suraý salýdy rastaýdy alǵannan keıin retsıpıent abonentpen uıaly baılanys qyzmetterin kórsetý týraly shart jasasady jáne jańa abonentti sáıkestendirý kartasyn beredi. Retsıpıent jáne abonent arasynda baılanys qyzmetterin kórsetý týraly shart Qazaqstan Respýblıkasy Investıtsııalar jáne damý mınıstriniń mindetin atqarýshynyń 2015 jylǵy 24 aqpandaǵy № 171 buıryǵymen bekitilgen (Normatıvtik quqyqtyq aktilerdi memlekettik tirkeý tizbesinde № 10999 bolyp tirkelgen) Uıaly baılanys qyzmetterin kórsetý qaǵıdalaryna (budan ári-Uıaly baılanys qyzmetterin kórsetý qaǵıdalary) sáıkes jasalady. Abonenttik nómirdi kóshirý týraly retsıpıenttiń suraý salýyn rastaǵan jaǵdaıda, ANODQ abonenttik nómirdi kóshirý týraly suraý salýdy donorǵa jiberedi. ANODQ-dan suraý salýdy alǵan kezde donor osy Qaǵıdalardyń 7-tarmaǵynda kózdelgen abonenttik nómirdi kóshirý sharttarynyń saqtalýyna qatysty suraý salýdy tekserýdi oryndaıdy. Jeke jáne zańdy tulǵalardyń ótinimderi boıynsha donordyń suraý salýdy qaraý merzimi donordyq ANODQ-dan suraý salýdy alǵan sátinen bastap esepteledi jáne mynalardy quraıdy: 1) jeke tulǵa úshin: uıaly baılanys jelilerinde abonenttik nómirdi kóshirý qyzmeti engizilgen kúninen bastap 4 jumys saǵatyna deıin; uıaly baılanys jelilerinde abonenttik nómirdi kóshirý qyzmeti engizilgen kúninen bastap 6 aı ótken soń 60 mınýtqa deıin; uıaly baılanys jelilerinde abonenttik nómirdi kóshirý qyzmeti engizilgen kúninen bastap 12 aı ótken soń 30 mınýtqa deıin; 2) zańdy tulǵa úshin: 8 jumys saǵatyna deıin. Tekserýdiń nátıjeleri boıynsha donor abonenttik nómirdi kóshirý týraly retsıpıenttiń suraý salýyn rastaıdy nemese ANODQ-ǵa osy Qaǵıdalardyń 15-tarmaǵynda kórsetilgen negizdemeler boıynsha kórsetilgen abonenttik nómirdi kóshirýden bas tartý týraly erkin nysanda habarlama jiberedi.

Abonenttik nómirdi kóshirý týraly suraý salýdy rastaǵan jaǵdaıda donor ANODQ men abonentke shyǵys baılanys qyzmetterin buǵattaýdy, kóshiriletin abonenttik nómir boıynsha tólemderdi qabyldaýdy toqtatýdy qamtıtyn abonenttik nómirdi tehnıkalyq kóshirýdi bastaý týraly erkin nysanda habarlama jiberedi.

Eger donor abonenttik nómirdi kóshirýge suraý salýdy alǵan sátten bastap osy Qaǵıdalardyń 15-tarmaǵynda kórsetilgen ýaqyt ishinde abonenttik nómirdi kóshirýdi rastaýy nemese bas tartýy týraly ANODQ habarlandyrmasa, ANODQ abonenttik nómirdi kóshirýge suraý salýdyń rastalǵany týraly retsıpıentke avtomatty túrde habarlaıdy.

Donordan abonenttik nómirdi kóshirýge suraý salýdy rastaýdy alǵannan keıin ANODQ abonenttik nómirdi tehnıkalyq kóshirýdi bastaý týraly retsıpıentke habarlaıdy.

Donordyń abonenttik nómirdi kóshirý týraly suraý salýdy qaraý nátıjeleri boıynsha retsıpıent abonentke abonenttik nómirdi kóshirýdi rastaý týraly SMS jiberedi. Donor osy Qaǵıdalardyń 7-tarmaǵynda kórsetilgen negizdemeler boıynsha abonenttik nómirdi kóshirýden bas tartqan jaǵdaıda retsıpıent bas tartý sebebin kórsete otyryp, SMS jiberý arqyly abonentti kóshirýden bas tartý týraly habarlandyrady.

ANODQ-dan abonenttik nómirdi kóshirý týraly suraý salýdy rastaýdy alǵan sátten bastap 30 mınýttyń ishinde retsıpıent: 1) bıllıng júıeleri men abonentterdi sáıkestendirý derekqoryn qosa alǵanda, abonenttik nómirdi óziniń derekqoryna engizý boıynsha qajetti is-qımyldardy oryndaıdy; 2) ANODQ-ǵa abonenttik nómirdi óz jelisinde tirkeý týraly erkin nysanda habarlama jiberedi; 3) SMS jiberý arqyly abonentti uıaly baılanys qyzmetterin kórsetýdi bastaý týraly habardar etedi.

Retsıpıentten abonenttik nómirdi tirkeý týraly habarlama alǵannan keıin ANODQ: 1) abonenttik nómirdi kóshirý týraly derekterdi ANODQ-ǵa engizedi; 2) donorǵa abonentti ajyratý qajettigi týraly erkin nysanda habarlama jiberedi; 3) barlyq baılanys operatorlaryn kóshirilgen abonenttik nómir boıynsha baǵyttaýdy ózgertý qajettiligi týraly habarlandyrady.

ANODQ-dan habarlamany alǵan sátten bastap 30 mınýttan keshiktirmeı baılanys operatorlary kóshirilgen abonenttik nómir boıynsha baǵyttaýdaǵy ózgeristerdi oryndaıdy jáne óz jelilerinde baǵyttaýdy ózgertkeni týraly ANODQ-ǵa rastaý jiberedi.

ANODQ-dan habarlamany alǵan sátten bastap 30 mınýttan keshiktirmeı donor abonenttik nómirdi óz bıllıg júıesinen joıýdy, baılanys qyzmetterin ajyratýdy jáne abonentti ajyratqany týraly ANODQ-ǵa erkin nysanda habarlama jiberedi.

Donordan abonentti ajyratqany týraly habarlama jáne baılanys operatorlarynan kóshirilgen abonenttik nómir boıynsha baǵyttaýdy ózgertý týraly rastaý alǵannan keıin ANODQ donorǵa abonenttik nómirdi kóshirýdiń sátti aıaqtalǵany týraly habarlama jiberedi.

Abonenttik nómirdi kóshirýdi júzege asyrýǵa qajetti ýaqyttyń barlyq kezeńinde abonent kiris baılanys qyzmetterimen qamtamasyz etiledi. Abonenttik nómirdi kóshirý qyzmetterinen abonenttiń bas tartýy donor abonenttik nómirdi kóshirý týraly suraý salýdy rastaǵanǵa deıin múmkin.3. ANODQ jumys isteýi jáne onyń resýrstaryna qol jetkizýge ruqsat berý tártibi

ANODQ abonenttik nómirdi kóshirýdi qamtamasyz etý úshin baılanys operatorlarymen usynylatyn qajetti aqparatty jınaý, óńdeý, saqtaý men jiberý protsesterin avtomattandyrýdy jáne úılestirýdi júzege asyrady. Kóshirilgen abonenttik nómirler týraly málimetterdi ózgertýge, kóshirý protsesine, abonenttik nómirdi kóshirý qyzmetin kórsetýdi ýaqytsha toqtata turý men kóshirilgen abonenttik nómirdi bastapqy operatoryna qaıtarýǵa qatysty aqparatpen almasý ANODQ arqyly júzege asyrylady. ANODQ-daǵy aqparatty jáne málimetterdi jınaýdy, saqtaýdy, óńdeýdi, jiberýdi qosa alǵanda, ANODQ qalyptastyrýdy, júrgizýdi, jumys isteýin jáne súıemeldeýdi, sondaı-aq ANODQ-ǵa qol jetkizýge ruqsat berýdi ANODQ operatory «Derbes derekter jáne olardy qorǵaý týraly» 2013 jylǵy 21 mamyrdaǵy Qazaqstan Respýblıkasy Zańynyń (budan ári - Derbes derekter týraly zań) talaptaryn saqtaýmen qamtamasyz etedi. Uıaly baılanystyń abonenttik nómirleri týraly aqparatty jáne osy Qaǵıdalardyń 9-tarmaǵynda belgilengen ANODQ-ǵa engiziletin basqa málimetterdi uıaly baılanys operatorlary Derbes derekter týraly zańnyń talaptaryn saqtaı otyryp usynady. Baılanys operatorlarynyń ANODQ-ǵa qoljetimdiligin ANODQ operatory baılanys operatorlary men ANODQ operatory arasynda jasalǵan shartqa sáıkes qamtamasyz etedi. ANODQ-da: 1) basqa uıaly baılanys operatorlarymen uıaly baılanys qyzmetterin kórsetý týraly jańa sharttar (budan ári - jańa sharttar) jasaǵan kezde abonentterde saqtalatyn kóshirilgen abonenttik nómirler; 2) abonenttik nómirdi kóshirý kúni men ýaqyty; 3) nómirleý resýrsynyń uıaly baılanys operatorlaryna tıesiligin kórsete otyryp, uıaly baılanys operatorlaryna belgilengen tártippen bólgen nómirleý týraly aqparat saqtalady jáne (nemese) óńdeledi. ANODQ jumys isteýin jáne súıemeldeýdi qamtamasyz etý maqsatynda ANODQ operatory mynadaı is-sharalardy júzege asyrady: 1) ANODQ táýlik boıy jumys isteýin qamtamasyz etý; 2) uıaly baılanys operatorlarynan kelip túsetin aqparatty jınaý, saqtaý jáne óńdeý; 3) ANODQ-daǵy aqparatty qorǵaýdy qamtamasyz etý; 4) baılanys operatorlaryna abonenttik nómirdi kóshirýdi jáne durys baǵyttaýdy júzege asyrý úshin qajetti ANODQ qamtylǵan aqparatqa qol jetkizýge ruqsat berý. ANODQ-daǵy aqparatty qorǵaý, sondaı-aq oǵan qol jetkizý Qazaqstan Respýblıkasynyń zańnamasy men osy Qaǵıdalarda belgilengen talaptardy saqtaýmen júzege asyrylady. ANODQ jáne baılanys operatorlarynyń lokaldyq derekqorlary arasyndaǵy ózara is-qımyl IP VPN (menshikti vırtýaldy jeliler) boıynsha, aqparattyq júıelerdiń WEB, SOAP nemese SFTP ınterfeısteri arqyly júzege asyrylady.

4. Uıaly baılanys jelilerinde abonenttik nómirlerdi kóshirýge qatysýshylardyń arasyndaǵy uıymdastyrýshylyq-tehnıkalyq ózara is-qımyl jáne ózara eseptesý tártibi Baılanys operatorlary: 1) daýystyq shaqyrýlar men SMS habarlamalardy RN baǵyttaý nómirin, Ek eldiń kodyn jáne Nult ulttyq (máni bar) telefon nómirin qamtıtyn 14 sımvoldan turatyn nómir formatynda baǵyttaýdy: RN + Ek + Nult, munda RN = KNp + XX, úsh sımvoldan turady; KNp - on alty tsıfrdan qurylǵan, «D» máni bar, kóshirilgen nómirlerdiń prefıksi; XX - uıaly baılanys operatory jelisiniń eki tsıfrdan turatyn kody; Ek - dúnıejúzilik nómirleýdiń jetinshi jıyntyq aýmaǵyna kiretin elderge arnalǵan (Qazaqstan Respýblıkasy jáne Reseı Federatsııasy) eldiń kody, Ek=7; Nult = DEF + H1H2H3H4H5H6H7; DEF - geografııalyq belgili aýmaqqa baılanyssyz uıymdastyrylǵan geografııalyq anyqtalmaıtyn nómirleý aýmaqtarynyń uıaly baılanys operatorlaryna bólinetin úsh tsıfrdan turatyn kod; H1H2H3H4H5H6H7 - abonenttiń uıaly baılanys jelisindegi jeti tsıfrdan turatyn nómiri. 2) óziniń kóshirilgen nómirlerdiń lokaldyq derekqorlaryn paıdalanýmen kóshirilgen abonenttik nómirge qosylýlardy baǵyttaý kezinde All Call Query tehnologııasyn qoldanýdy qamtamasyz etedi. Uıaly baılanys operatorlary: 1) ANODQ operatoryna osy Qaǵıdalardyń 9-tarmaǵynyń 1) jáne 2) tarmaqshalaryna sáıkes abonenttik nómirler týraly málimetterdi usynýdy; 2) kóshiriletin abonenttik nómirlerdi óziniń nómirleý resýrsyna engizýdi jáne jasalǵan sharttyń qoldanysta bolý merziminde uıaly baılanys qyzmetterin kórsetý Qaǵıdalarynda belgilengen tártippen uıaly baılanys qyzmetterin kórsetýdi; 3) retsıpıenttiń basqa uıaly baılanys operatorynyń jelisine kóshirýge jatatyn abonenttik nómirdi berýin; 4) abonenttik nómirdi kóshirýdi júzege asyrý men óziniń jelisinde kóshirilgen abonenttik nómir boıynsha qyzmetterdi tıisinshe kórsetýge óz jelileriniń tehnıkalyq daıyndyǵyn; 5) paıdalanylatyn tehnologııaǵa, uıaly baılanystyń kórsetiletin qyzmet túrine, abonenttiń baılanys qyzmetterine aqy tóleý ádisine baılanyssyz abonenttik nómirlerdi uıaly baılanys jelilerinde kóshirýdi; 6) abonenttik nómirlerdi uıaly baılanys jelilerinde kóshirý sharttary týraly halyqqa aqparat berýdi. ANODQ operatory: 1) ANODQ qalyptastyrýdy, jumys isteýi men súıemeldeýdi jáne abonenttik nómirlerdi kóshirýdi júzege asyrý úshin uıaly baılanys operatorlarynyń onyń resýrstaryna qol jetkizýin; 2) abonenttik nómirlerdi kóshirýdi júzege asyrý protsesinde oryn alatyn uıaly baılanys operatorlary arasyndaǵy ózara is-qımyldy; 3) kóshirilgen abonenttik nómirler týraly aqparatty ózektilendirý (derekterdi sınhrondaý) úshin ANODQ-ǵa qosylǵan baılanys operatorlarynyń lokaldyq derekqorlarymen ANODQ ózara is-qımylyn; 4) kóshirilgen abonenttik nómirler týraly aqparatty ANODQ-ǵa engizýdi (aqparatty abonenttik nómirlerdi kóshirý rásimi protsesinde jańartý); 5) kóshirilgen abonenttik nómirler týraly derekterdi sanktsııalanbaǵan qol jetkizýden qorǵaýdy; 6) baılanys operatorlaryn kóshirilgen abonenttik nómirge qyzmet kórsetetin uıaly baılanys operatorynyń aýysýy týraly habarlandyrýdy qamtamasyz etedi. Abonenttik nómirlerdi kóshirgen kezde uıaly baılanys operatorlary ózara is-qımyldy tek qana ANODQ arqyly júzege asyrady. Aqparatpen almasýdy qosa alǵanda, abonenttik nómirlerdi ANODQ-ǵa kóshirý protsesi avtomattandyrylǵan rejımde júzege asyrylady. Uıaly baılanys operatorlary óz jelilerinde abonenttik nómirdiń kóshirilýin qamtamasyz etý boıynsha barlyq shyǵyndardy derbes óteıdi jáne ANODQ-daǵy aqparatqa qol jetkizýge ruqsat bergeni úshin ANODQ operatoryna aqy tóleýdi júzege asyrady. ANODQ jumys isteýin jáne ANODQ-ǵa qoljetimdilikti qamtamasyz etýdiń baǵalaryn qalyptastyrýdy ANODQ operatory Qazaqstan Respýblıkasy Ulttyq ekonomıka mınıstriniń 2014 jylǵy 29 jeltoqsandaǵy № 178 buıryǵymen beki­tilgen Memlekettik monopolııa sýbektisi óndiretin jáne ótkizetin taýarlarǵa baǵa belgileý qaǵıdalaryna sáıkes júzege asyrady (Normatıvtik quqyqtyq aktilerdi memlekettik tirkeý tiziliminde № 10150 bolyp tirkelgen). Baılanys operatorlarynyń jáne ANODQ operatorynyń ózara is-qımyl jáne ózara eseptesý protsesi baılanys operatorlary men ANODQ operatory arasynda jasalǵan sharttyń talaptarymen aıqyndalady. Abonenttik nómirdi uıaly baılanys jelilerinde kóshirgen kezde abonenttiń derbes shotynda jumsalmaǵan aqshalaı qarajaty aıqyndalǵan jaǵdaıda, aqshalaı qarajatty qaıtarý abonenttiń ótinishi negizinde júrgiziledi.

5. Abonenttik nómirdi qaıtarý tártibi Abonenttik nómirdi kóshirgennen keıin abonent ony bir jyldan artyq qoldanbaǵan jaǵdaıda bul nómir bastapqy operatoryna qaıtarýǵa jatady. Bul rette retsıpıent ANODQ-ǵa abonenttik nómirdi bastapqy operatorǵa qaıtarý týraly suraý salý jiberedi. ANODQ-ǵa abonenttik nómirdi keri qaıtarý múmkindigin tekseredi: 1) nómirdiń retsıpıentke tıesiligi; 2) belsendi nómirdi kóshirý protsesiniń bolýy nemese bolmaýy; 3) nómirdi keri qaıtarýǵa suraý salý formatynyń durys toltyrylýy. Suraý salýdy rastaǵan jaǵdaıda ANODQ operatorlardy jelidegi konfıgýratsııanyń ózgerýi men baǵyttaýdy ózgertý qajettiligi týraly habarlandyra otyryp, retsıpıent pen bastapqy operatorǵa nómirdi keri qaıtarý týraly erkin nysanda habarlama jiberedi. Bastapqy operator qaıtarylǵan abonenttik nómirdi alǵany týraly retsıpıentke ANODQ arqyly erkin nysanda habarlaıdy. Abonenttik nómirdi qatelikpen kóshirgen jaǵdaıda, retsıpıent ANODQ-ǵa anyqtalǵan qatelik jáne abonenttik nómirdi qaıtarý týraly habarlandyrý jiberedi. ANODQ abonenttik nómirdi qaıtarý múmkindigin, abonenttik nómirdiń donorǵa tıesiligin, belsendi kóshirý protsesiniń bolýyn tekseredi. Tekserý sátti oryndalǵan jaǵdaıda, ANODQ retsıpıentke abonenttik nómirdi keri qaıtarý týraly suraý salýdy rastaý jáne donorǵa qate nómirdi keri qaıtarý týraly habarlandyrýlar jiberedi. Qate kóshirýdi keri qaıtarýǵa arnalǵan suraý salýda qateler anyqtalǵan jaǵdaıda, ANODQ retsıpıentke qatelikpen kóshirilgen abonenttik nómirdi qaıtarýdan bas tartý týraly habarlama jiberedi. Retsıpıent qatelerdi joıady jáne suraý salýdy qaıtadan ANODQ-ǵa jiberedi. ANODQ-dan qatelikpen kóshirilgen abonenttik nómirdi keri qaıtarý týraly habarlama alǵannan keıin donor suraý salýdy tekserýdi oryndaıdy. Tekserý merzimi 30 mınýtty quraıdy. Abonenttik nómirdiń qatelikpen kóshirilýi anyqtalǵan jaǵdaıda mundaı abonenttik nómirdi keri qaıtarý protsesine donor abonenttiń jazbasha ótinishiniń nemese donordyń aqparattyq-anyqtamalyq qyzmetine júginýi negizinde bastamashylyq etedi. Donor qatelikpen kóshirilgen abonenttik nómirdi keri qaıtarý týraly suraý salýdy ANODQ-ǵa jiberedi. Qatelikpen kóshirilgen abonenttik nómirdi keri qaıtarýǵa suraý salýdy alǵan kezde ANODQ abonenttik nómirdi kóshirý múmkindigine qatysty: 1) abonent málimetterin toltyrylýyn; 2) osy abonenttik nómirdi kóshirýge belsendi ótinimderdiń bolýyn tekserýdi oryndaıdy. Tekserý sátti oryndalǵan jaǵdaıda, ANODQ suraý salýdy alǵanyn donorǵa rastaıdy jáne ony qatelikpen kóshirilgen abonenttik nómiri bar uıaly baılanys operatoryna jiberedi. Qate kóshirýdi keri qaıtarýǵa arnalǵan suraý salýda qateler anyqtalǵan jaǵdaıda, ANODQ sebebin kórsete otyryp, donorǵa qatelikpen kóshirilgen abonenttik nómirdi keri qaıtarýdan bas tartý habarlama jiberedi. ANODQ-dan qatelikpen kóshirilgen abonenttik nómirdi keri qaıtarý týraly habarlama alǵannan keıin uıaly baılanys operatory suraý salýdy tekserýdi oryndaıdy, bul rette tekserý merzimi 30 mınýttan aspaýy tıis. Qatelikpen kóshirilgen abonenttik nómiri bar operator tekserýdiń nátıjeleri boıynsha ANODQ-ǵa qatelikpen kóshirilgen abonenttik nómirdi keri qaıtarý protsesin bastaý nemese sebebin kórsete otyryp, odan bas tartý týraly rastaý jiberedi. Qatelikpen kóshirilgen abonenttik nómiri bar operator 30 mınýt ishinde qatelikpen kóshirilgen abonenttik nómirdi keri qaıtarýy nemese bas tartýy týraly ANODQ habarlandyrmaǵan jaǵdaıda, ANODQ donorǵa qatelikpen kóshirilgen abonenttik nómirdi keri qaıtarýdy rastaý týraly avtomatty túrde habarlaıdy. ANODQ-dan qatelikpen kóshirilgen abonenttik nómirdi keri qaıtarý týraly habarlamany alǵan sátten bastap donor 30 mınýt ishinde abonentke kórsetiletin qyzmetti iske qosýdy júrgizedi. Kórsetiletin qyzmetter sátti qosylǵannan keıin donor ANODQ-ǵa abonenttik nómirdi iske qosý týraly rastaý jiberedi.