Uıaly baılanys tarıfteri boıynsha Qazaqstan 17-shi orynda

ASTANA. QazAqparat - Dúnıejúzilik ekonomıkalyq forýmnyń reıtıngi aıasynda Qazaqstan tarıfter boıynsha 17-shi orynda tur. Bul týraly búgin Astanada Májilistegi «Nur Otan» partııasy fraktsııasy janyndaǵy Ekonomıkalyq saıasat keńesiniń, partııanyń Saılaýaldy tuǵyrnamasynyń «Innovatsııalyq» ekonomıka baǵyty boıynsha saraptamalyq toptyń birlesken otyrysynda málim boldy.

«Baılanys qyzmetterine tarıfter turǵysynda kezinde telekommýnıkatsııalyq salanyń lıberalızatsııasy júrgizildi. Birqatar operatorlar naryqqa shyǵyp, búginde olar básekelestikte jumys isteýde. Bul óz kezeginde tarıfterdiń tómendeýine alyp keldi. Dúnıejúzilik ekonomıkalyq forýmnyń reıtıngi boıynsha biz uıaly baılanys tarıfteri turǵysynda 17-shi oryndamyz»,- dedi QR Investıtsııalar jáne damý vıtse-mınıstri Asqar Jumaǵalıev.

Osy oraıda ol aldaǵy ýaqytta da uıaly baılanys úshin tarıfterdi tómendetý jumystary jalǵasatynyn atap ótti.