Uıaly baılanys tarıfi tómendetiledi - QR KKM
ASTANA. 14 qańtar. QazAqparat - QR Kólik jáne kommýnıkatsııa mınıstrliginiń qatysýymen uıaly baılanys operatorlarynyń arasynda 2012 jyldyń jeltoqsanynda bekitilgen ınterkonnekt stavkasyn tómendetý jónindegi Memorandýmnyń sheńberinde 2014 jyldyń 1 qańtarynan bastap ınterkonnekt stavkasy 13,02-den 11,10 teńgege deıin (QQS-syz) tómendetildi.
Interkonnekt stavkasyn tómendetý nátıjesinde uıaly baılanys qyzmetteri naryǵynda básekelestik damıdy jáne ártúrli uıaly baılanys operatorlarynyń abonentteri arasyndaǵy sóılesýdiń túpki tarıfteri arzandaıdy dep kútilýde.
2010 jyldyń sáýirinde Baılanys jáne aqparattandyrý komıteti uıaly baılanys operatorlaryna ózderiniń tarıftik saıasatyn qaıta qarastyrýǵa usynys jasaǵanyn jáne de operatorlar Keńesinde 1999 jyldan beri ózgeriske jatpaǵan ınterkonnekt stavkasyn qaıta qarastyrýǵa sheshim qabyldanǵanyn eske salǵan jón.
Nátıjesinde 2010-2012 jyldar aralyǵynda uıaly baılanys operatorlarymen kelisim boıynsha ınterkonnekt stavkasy 19,98 teńgeden 15,3 teńgege deıin (QQS-syz) tómendetilgen.
Sonymen qatar, 2012 jyldyń jeltoqsanynda uıaly baılanys operatorlary úsh jyl ishinde jyl saıyn 15%-ǵa ınterkonnekt stavkasyn tómendetý jónindegi Memorandýmǵa qol qoıǵan, dep habarlady Kólik jáne kommýnıkatsııa mınıstrliginiń baspasóz qyzmetinen.
