Uıaly baılanys operatorynyń abonentteri TMD aýmaǵynda bir-birine qalta telefondarynan aqsha aýdara alatyn boldy
ALMATY. Maýsymnyń 2-si. QazAqparat /Erlik Erjanuly/ - Búgin Máskeýde "VympelKom» AAQ kompanııalar toby «MOBI.Dengı» qyzmetiniń jańa múmkindikteriniń arqasynda transshekti tólemder arnalarynyń keńeıgenin habarlady,
dep habarlaıdy QazAqparat «QaRTel» JShS-niń baspasóz qyzmetine silteme jasap.
Endi Reseıdegi «Bılaın» abonentteri óz qalta telefondarynan TMD elderi men Grýzııadan bir-biriniń jeke shottaryna qarajat aýdara alady. Olar óz telefondarynan 3116 qysqa nómirine qarajat qabyldaıtyn adamnyń telefon nómiri men operatsııa somasy jazylǵan SMS-pármendi jiberse nemese www.money.beeline.ru* saıtyndaǵy sáıkes formany toltyrsa jetkilikti. Qabyldaýshy-abonenttiń jeke shotyna operatsııany rásimdeý kezindegi kórsetken qarajat aýdarylady. Operatsııanyń qosymsha tólemi qarajat aýdarýshydan alynady. Onda 1000 rýblden 15000 rýblge deıingi qarajatty turaqty túrde aýdaryp turýǵa múmkindik beriledi.
«Bılaındy» paıdalanýshylar sany turaqty ósýde. Olar bir-birimen jıi habarlasady jáne kómektesedi. Máselen, sońǵy jarty jylda aı saıynǵy shetelge aýdarylatyn qarajat kólemi 68 paıyzǵa ósti. Transshekti arnalardyń keńeıgenine qaraı bizdiń klıentterimiz TMD elderindegi «Bılaın» abonentterine óz úılerinen shyqpaı-aq, jaı ǵana SMS jiberip, qarajat aýdara alady», - deıdi «VympelKom» AAQ-nyń TMD-daǵy jalpy naryqtyq saýda bastyǵy Dmıtrıı Grıgorev. Onyń aıtýynsha, bul joba «MOBI.Dengı» JAQ men «Interkoopbank» (AAQ) AKB-nyń seriktestigimen júzege asyryldy.
