Uıaly baılanys operatory «SMS-kóńil kúı» dep atalatyn aktsııa bastady
ALMATY. Qańtardyń 26-sy. QazAqparat /Erlik Erjanuly/ - Búgin Almatyda «KaR-Tel» JShS-i Beeline jelisi ishinde 3,5 teńgemen SMS-habarlama joldaý múmkindigin usynatyn «SMS-kóńil kúı» aktsııasyn engizgenin málimdedi,
dep habarlaıdy QazAqparat.
«SMS - uıaly baılanystyń eń jıi qoldanylatyn dybyssyz qyzmeti. Bul qyzmetti Beeline-nyń belsendi abonentteriniń 70 paıyzǵa jýyǵy paıdalanady. Usynylyp otyrǵan bul aktsııa olardyń óz dostary men ózge de jaqyn adamdarymen 50 paıyzdyq únemdi jolmen ózara habarlamalar almasýdyń tamasha múmkindigi», deıdi «KaR-Tel» JShS-niń marketıngtik dırektory Aınur Ábjanova. Onyń aıtýynsha, «SMS-kóńil kúı» aktsııasy aldyn ala esep aıyrysý júıesi negizindegi Beeline abonentteri úshin qol jetimdi. Aktsııaǵa «Seniń stıliń» men «Habarlama» tarıftik josparlary abonentteri qosyla almaıdy. Eger de «SMS-kóńil kúı» aktsııasyna qosylǵan sátte abonenttiń SMS toptamasy qosylǵan bolsa aldymen SMS toptamanyń habarlamalary, keıinnen aktsııa boıynsha jeńildikti SMS-habarlamalar jumsalady. «SMS-kóńil kúı» aktsııasyna qosylǵannan keıin qysqa qyzmet kórsetý nómirlerine, basqa uıaly operatorlar jelilerine, sondaı-aq roýmıngte habarlamalar joldaý abonenttiń tarıftik josparyna sáıkes esepteledi. Onyń sharttary aqpannyń 14-i men 23-i kúnderi ýaqytsha toqtatylady. Aktsııa jalpy naýryzdyń 5-ine deıin jaramdy.
