Uıaly baılanys operatory óz abonentterine lımıtsiz Internet-serfıngti usynady
ALMATY. 10 qańtar. QazAqparat - Búgin Almatyda «KaR-Tel» JShS mobıldi ınternetti paıdalanýshylarǵa «Opera Mini-men lımıtsiz serfıng» jańa qyzmetin usynatyny týraly baspasóz habarlamasyn taratty.
Endi bul mobıldi ınternetti qoldanýshylar táýligine 25 teńgemen shekteýsiz paıdalana alatyn boldy.
«Bul qyzmet Beeline abonentterine óz shyǵyndaryn esh qıyndyqsyz qadaǵalap, jeli ishinde qansha ýaqyt otyrǵandaryna esh alańdamaýlaryna múmkindik beredi. Biz 3G - úshinshi urpaq baılanysyn paıdalanatyndar úshin asa qajetti degen senimdemiz. Sebebi munda málimetterdi berý jyldamdyǵy joǵary», deıdi «KaR-Tel» JShS marketıngtik dırektory Aınur Ábjanova. Onyń aıtýynsha, «Opera Mini-men lımıtsiz serfıng» qyzmetiniń aqysy 100 teńge. Atalmysh qyzmetti paıdalaný úshin uıaly telefonda internet.beeline.kz. ený núktesi kúıge keltirilýi qajet. Qujattardy nemese basqa da mobıldi habarlamalardy qabyldap nemese kóshirip alý 1 Mbaıt-qa 49 teńge, aınalymy 10 Kbaıt-qa deıin. Qyzmetti qosý úshin Opera Mini-diń 2.H 3.H, 4.H nemese 5.H mobıldi nusqasyn m.opera.com-dan mobıldi telefonǵa kóshirip, ornatý kerek. Sosyn *146*1# sanyn terse jetkilikti (*146*0# ajyratý úshin). Abonenttiń telefonyna sáıkestigin www.opera.com . saıty arqyly bilýge bolady.
«Internet-paket» jáne lımıtsiz Internet-serfıng qyzmetteri qatar ornatylsa, mańyzdylyq «Internet-paketke» beriledi. Sondyqtan, atalmysh qyzmetterdiń bireýin ornatqan abzal. Árbir sessııany paıdalanǵan saıyn Opera Mini abonenttiń teńgeriminen (balans) 10 kb aqysyn alyp otyrady (eger Internet-paket qosylǵan bolsa, onda da 10 kb ketedi)
Opera Mini - bul Opera Software kompanııasynyń kez kelgen telefonǵa ornatýǵa bolatyn mobıldi braýzerdiń jeńildetilgen túri. Braýzer serverdegi paraqtardyń mobıldi qurylǵyǵa júktelgenshe onyń 90 paıyzǵa deıin syǵylýyna múmkindik beredi. Sondaı-aq WEB-paraqtaǵy jyldamdyqty kóbeıtip, Internet-trafıkti paıdalanýshylardyń shyǵynyn únemdeýge múmkindik jasaıdy.
