Uıaly baılanys operatory ǵalamtorǵa tıimdi baǵamen joǵary jyldamdyqta shyǵýdy usynady
ALMATY. 18 qazan. QazAqparat /Erlik Erjanuly/ - Búgin Almatyda Beeline saýda belgisimen jumys jasaıtyn «KaR-Tel» JShS sym jelili ǵalamtory bar abonentterge arnap jańa «Bazalyq lımıtsiz» tarıftik josparyn usynatynyn habarlady.
Ol FTTB tehnologııasy boıynsha «Úıdegi ǵalamtor» qyzmetin aıyna bar bolǵany 970 teńgeden paıdalanýǵa múmkindik beredi. Onyń jyldamdyǵy ishki qorlarǵa 5 Mbıt/sekýndqa deıin, al syrtqy qorlarǵa 100 Mbıt/sekýndqa deıin trafıkke shekteýsiz.
«Bul usynysymyz birinshiden, ár túrli jańalyqtar men aqparattyq, áleýmettik jeliler men forýmdarǵa baǵyttalǵan. Óziniń qoljetimdiligine oraı, bul qyzmet joǵary jyldamdyqty ǵalamtordy qalyń kópshiliktiń paıdalanýyna barlyq jaǵdaıdy qarastyrǵan», - deıdi 2DAYTelecom Bas dırektory Vıktor Grıban. Onyń aıtýynsha, jańa tarıftik josparǵa qosylý aktsııa ispetti jáne jańa abonentter oǵan 10 qazannan 31 jeltoqsanǵa deıin tegin qosyla alady.
