Uıaly baılanys operatorlary jelige ózara qosylý tóleminiń alynyp tastalǵanyn, sekýndtyq tarıfıkatsııa birligimen jańa tarıfterdiń engiziletindigin habarlaıdy

delingen QR Baılanys jáne aqparat mınıstrligi baspasóz qyzmetiniń «Mobaıl Telekom-Servıs» JShS , «KaR-Tel» kompanııasy, «GSM Qazaqstan/Ksell» JShS-men birige otyryp ázirlegen baspasóz habarlamasynda.

Atalǵan shara QR Baılanys jáne aqparat mınıstrliginiń 2010 jyldyń 29 jeltoqsanyndaǵy №364 buıryǵy boıynsha júzege asyrylady jáne ótkizý trafıgin tirkeýdi ońtaılandyrý men abonentterdiń uıaly baılanys qyzmetine shyǵyndaryn azaıtýǵa baǵyttalǵan.

«Neo» uıaly baılanys operatory «Sálem», «Sálem klýby», «Únsiz qalma» tarıftik josparlaryna qosylý qunyn alyp tastap, sekýndyq tarıfıkatsııa engizdi. Atalǵan ózgeristermen birge sóılesýdiń alǵashqy mınýtynyń quny da arta tústi. Atalǵan ózgeristerge baılanysty, endi «Únsiz qalma» tarıftik josparyna sáıkes, abonent barlyq baǵyttaǵy qońyraýlardyń alǵashqy mınýty úshin 18 teńge, ekinshi mınýtynan bastap 9 teńgeden tóleıtin bolady. Bul jerde aıtyp ótken jón, jeliaralyq qosylý úshin tólem alynbaıdy, tólemaqy tek sóılesken naqty ýaqytqa ǵana esepteledi.

GSM Qazaqstan/Ksell uıaly baılanys operatory 2011 jyldyń 1 aqpanynan bastap, jelige qosylǵany úshin tólem alynatyn tarıfterdiń barlyǵyn jaýyp, jańa «Sýper biryńǵaı-2», «Komanda-2» tarıfterin engizdi. Jańa tarıftik josparǵa sáıkes, abonentter jelige qosylǵany úshin tólemaqy tólemeıdi jáne sóılesý ýaqyty sekýndyq tarıfıkatsııa boıynsha esepteledi. Bul Ksell abonentteriniń jeli ishindegi jáne basqa operatorlar jelisine qońyraý shalýlaryna ortasha eseppen 15 paıyzǵa únemdeýine múmkindik beredi.

«Activ» uıaly baılanysynyń «Sóıleý erkindigi-2», «Sýper biryńǵaı», «Kosmo qyzdar» tarıfin paıdalanýshy abonentteri osy tarıfterge uqsas «Sóılesý ýaqyty-2» tarıfine aýystyryldy. Buǵan qosa, ózge operatorlardyń baılanys jelisine jáne qalalyq nómirlerge qońyraý shalý quny 55 paıyzǵa deıin tómendetildi.

«KaR-Tel» kompanııasy da jelige ózara qosylý tólemi qarastyrylǵan tarıftik josparlarǵa qosylýdy toqtatty. («Úzdik», «Drýjnyı nol», «Úzdik Almatylyq», «Úzdik Astanalyq», «Erkin 15», «Erkin 7», «Erkin 8», «HOO1KZT», «Jeńil nol» jáne t.b). Osy tarıftik josparlardy paıdalanyp kelgen abonentter bir aıdyń ishinde ózge tarıfterge aqysyz túrde aýysa alady. Basqa tarıfke aýysyp úlgermegen abonentterdi Kompanııa jelige qosylý úshin tólemaqy alynbaıtyn jańa tarıfterge kóshiredi. Jańa tarıftik josparlarǵa sáıkes, abonentter sóıleskenderi úshin tólemaqyny 50 paıyzǵa deıin únemdeıtin bolady.