Uıaly baılanys operatorlary eldegi baılanys sapasyn jaqsartý úshin kúsh biriktirmek

NUR-SULTAN. QazAqparat - Búgin elimizdiń úsh uıaly baılanys operatorlary - «MTS» JShS, «Ksell» AQ jáne «Kar-tel» JShS-niń ókilderi «250+» jobasy aıasynda jelilerdi birlesip paıdalaný týraly kelisimge qol qoıdy. Qujatta 1000-ǵa jýyq aýyldyq eldi mekendi ınternetke qosý máselesi qaralǵan, dep habarlaıdy QazAqparat tilshisi.

«Qazirgi ýaqytta biz tsıfrlyq saıasatqa degen kózqarasymyzdy ózgertip, salamyzdy ınvestıtsııalar úshin tartymdy etýge, qoldanystaǵy jelilerdi jańartýǵa tyrysyp jatyrmyz. Elbasy men Memleket basshysynyń tapsyrmasy boıynsha biz júıeli jumystar júrgizdik, mysal retinde aýyldyq eldi mekenderdegi eki iri joba. Olar uıaly baılanys qyzmetterin usynýdyń negizgi ınfraqurylymy retinde sheshýshi ról atqarady. Qazirgi ýaqytta 1257 aýylda belsendi jumys júrgizilýde, aıaqtalý satysyna jaqyndap qaldyq desek bolady Bıyl joba aıaqtalyp, 1257 aýyl talshyqty-optıkalyq ınfraqurylymǵa qosylady», - dedi qujatqa qol qoıý kezinde Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Daryn Tuıaqov.

Onyń aıtýynsha, bul – birinshi kezeń.

«Ekinshi kezeńde 928 aýyldy mobıldi keń jolaqty qol jetimdilikke qosý jobasy júzege asyrylady.Qazirgi ýaqytta óńirlerde óte belsendi jumys júrgizilip, barlyq baılanys operatorlary aýyldarda jeliler salýda. Bıyl biz zańǵa ınfraqurylymdy bólýge qatysty osyndaı normalardy qabyldaǵan túzetýler qabyldadyq. Bul yntymaqtastyq operatorlarǵa shyǵyndaryn ońtaılandyrýǵa múmkindik beredi. Sonymen qatar operatorlardyń resýrstaryn tutynýshylarǵa qyzmet kórsetýge jáne aýyl men qala arasyndaǵy tsıfrlyq alshaqtyqty joıýǵa jumyldyrady. Aýyldarda ınternettiń qoljetimdiligin arttyrý - bul eldiń túrli aımaqtaryndaǵy árbir azamattyń baılanys qyzmetterin alý quqyǵyn qamtamasyz etýdiń negizi», - deıdi ol.

Úsh operatordyń árqaısysy aýyldarǵa keń jolaqty ınternetpen qamtıtyn ózderiniń bazalyq stantsııalarynyń jelisin ornalastyrady. Aǵymdaǵy jyldyń aqpan aıynda osy baǵdarlamany iske asyrý týraly memorandýmǵa qol qoıylǵan bolatyn, sonymen birge jelini birlesip salý jáne paıdalaný strategııasy kelisilgen edi.

Atap ótý kerek, bastapqyda strategııa boıynsha, basqa operatorlardyń abonentteri úshin jelige qol jetimdiliktiń teń múmkindikterin qamtamasyz etý kózdelgen. Úsh uıaly kompanııanyń árqaısysyna ár aımaqtaǵy aýyldar bekitilip berilgendikten, jáne bul aýyldarda úsh operatordyń abonentteri bolǵandyqtan, aýyl turǵyndarynyń jelige teńdeı qoljetimdiligin qamtamasyz etý úshin, básekelester, ózara «sherıng» modelin qoldanýǵa kelisti. ıAǵnı, ujymdyq paıdalaný jáne ózara resýrstarmen almasýǵa múmkindik beretin ekonomıkalyq modeldi qoldanýǵa sóz baılasty.