Uıaly baılanys operatorlary 3G resýrsynyń jıiligin testik rejımde paıdalanýǵa ruqsat aldy - Baılanys jáne aqparat mınıstrligi
ASTANA. 12 qarasha. QazAqparat - Qazaqstandyq uıaly baılanys operatorlary qondyrǵylaryn tıisti jıilikti ótkizýge ıkemdeý jumystaryn qarasha aıynyń sońyna deıin aıaqtaýdy josparlap otyr. Al, 1 jeltoqsannan bastap, QR Baılanys jáne aqparat mınıstrligi olarǵa 3G resýrsynyń jıiligin EQYU-nyń Sammıti men Azııada oıyndary aıasynda ýaqytsha qoldanýǵa ruqsat beredi, dep
habarlady mınıstrliktiń baspasóz qyzmeti.
Baılanys jáne aqparattandyrý komıtetiniń tóraǵasy Rızat Nurshabekovtiń aıtýynsha, 1 jeltoqsannan bastap, Astana men Almaty qalalarynyń turǵyndary úshinshi býynnyń baılanysyn qoldana alady, onyń ishinde joǵary jyldamdyqty ınternetke qol jetkizedi.
Komıtet tóraǵasynyń aıtýynsha, Mınıstrlik 3G standartyn ótkizý úshin radjıojıilikti paıdalanýǵa tólenetin tólemaqy kólemin anyqtaý maqsatynda Salyq kodeksine ózgertýler men tolyqtyrýlar engizgen bolatyn. Qazir bul joba QR Parlamentiniń Senat qaraýynda.
Salyq Kodeksi qabyldanǵannan keıin uıaly baılanys operatorlary 3G standartyn elimizdiń barlyq aımaqtarynda taratý múmkindigine ıe bolmaq.
3G baılanysy arqyly jyldamdyǵy joǵary ınternetke qol jetkiziledi. Sondaı-aq, video-on-demand (VOD) sekildi jańa qyzmet túrlerin paıdalaný múmkindigine ıe bolamyz. 3G-diń málimetterdi jetkizý jyldamdyǵy óte joǵary 144kbıt/s-ten 2 mbıt/ske deıin jetedi. (qazirgi 2,5 G baılanysynyń múmkindigi 64-144 kbıt/s).
