Uıaly baılanys naryǵyndaǵy básekelestik ádil sapany, ádil tarıfti belgileıdi

ASTANA. QazAqparat – Uıaly baılanys naryǵyndaǵy básekelestik ádil sapany, ádil tarıfti belgileıdi. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy QazAqparat tilshisi.

«Biz baılanys sapasyn baqylaımyz. Uıaly baılanys operatorlarynyń operatsııalyq qyzmetterine aralaspaımyz. Olar jabdyqtardy qansha aqshaǵa satyp alady, qanshaýyn ornatyp, qanshalyqty der ýaqytynda jańartady – bul uıaly baılanys operatorlarynyń jaýapkershiligi. Biz baılanys sapasyna baqylaýdyń bolýyna jaýap beremiz. Ǵımaratta salany ınternettiń bar-joǵyn ólsheımiz. Eger bolmasa, onda aıyppul jazyp beremiz. Operatorlar qyzmetterine derbes jaýap beredi. Bizde naryqtyq orta. Degenmen, sońǵy ýaqytta halyq tarapynan shaǵymdardyń bolýyna baılanysty mınıstrlik retinde muny qolǵa aldyq jáne jańǵyrtý josparlary eki aptada bir ret qaralady. ıAǵnı, olar qansha bazalyq stansa ornatqanyn, qansha turǵyn úı kesheninmen kelisimshart jasasqanyn baqylaýda ustap otyrmyn», - dedi Baǵdat Mýsın Úkimet otyrysynan keıingi brıfıngte.

Onyń atap ótýinshe, uıaly baılanys operatorlary klıentter úshin kúresýi tıis.

«Al ol úshin sapaly baılanys usyný qajet. Іs júzinde osynaý problemanyń bári naryqtaǵy básekelestiktiń jetkiliksizdiginen bolyp otyr. Naryǵymyzda úsh operator bar. Biraq, qalaı bolǵanda da baılanys sapasy aqsap tur. Sondyqtan bir operatordy jekege berý týraly máseleni kóterdim. Bizde birdeı jaǵdaıda bir-birimen básekelesetin úsh uıaly baılanys operatory bolsa, onda básekelestik ádil sapany, ádil tarıfti belgileıdi», - deıdi mınıstr.

Onyń dereginshe, jyl saıyn elimizge 3,5 myń bazalyq stansa jetkizilip, qalalarda ornatylady. Degenmen, qazirgi ýaqytta olardyń sanyn arttyrý qajet.

Aıta keteıik, mınıstr osyǵan deıin Qazaqstanda YouTube Premium qashan qoljetimdi bolatynyn aıtqan edi.