Uıaly baılanys qyzmetiniń tabysy 11,8 paıyzǵa artty
ASTANA. Sáýirdiń 20-sy. QazAqparat /Rýslan Ǵabbasov/ - bıylǵy birinshi toqsanda júk tasymaldaý kólemi byltyrǵy jyldyń osy kezeńine qaraǵanda 13,3 paıyzǵa ulǵaıdy.
Bul týraly búgin Úkimet otyrysynda bıylǵy jylǵy birinshi toqsannyń áleýmettik ekonomıkalyq qorytyndyny baıandaý kezinde Ekonomıkalyq damý jáne saýda mınıstri Janar Aıtjanova málim etti, dep habarlaıdy QazAqparat.
«Búgin esep berip otyrǵan kezeńde poshta jáne kýrerlik qyzmet 5 paıyzǵa, baılanys qyzmetteri 4,5 paıyzǵa ósti»,-dedi mınıstr.
J. Aıtjanovanyń sózine qaraǵanda, baılanys qyzmeti kóleminiń ósýi uıaly baılanys qyzmeti tabysynyń 11,8 paıyzǵa artýyna baılanysty bolyp otyr. Atap aıtqanda, uıaly qyzmeti jalpy baılanys qyzmeti úlesiniń 54,3 paıyzyn quraıdy.
Sonymen birge, bıylǵy birinshi toqsanda júk tasymaldaý kólemi byltyrǵy jyldyń osy kezeńine qaraǵanda 13,3 paıyzǵa ulǵaıdy. Kóliktegi kólemniń ósýi negizinen jolaýshylar tasymaly deńgeıiniń 12,1 paıyzǵa artýy esebinen qamtamasyz etilgen. Sonymen qatar júk tasymaly 2,5 paıyzǵa artty.
