Uıaly baılanys qyzmetiniń baǵasy aldaǵy ýaqytta josparly túrde tómendetiledi
ASTANA. 6 jeltoqsan. QazAqparat /Qanat Mámetqazyuly/ - Uıaly baılanys qyzmetiniń baǵasy aldaǵy ýaqytta josparly túrde tómendetiledi. Bul týraly búgin QR Parlamenti Májilisinde aqparattyq-kommýnıkatsııalyq tehnologııalardy damytý taqyrybynda ótken Úkimet saǵatynda Baılanys jáne aqparat mınıstri Asqar Jumaǵalıev málim etti
.
«Sońǵy 3-4 jylda halyqaralyq baılanysqa, ınternet tarıfine udaıy baǵa tómendetilip keledi. Máselen, keń jolaqty ınternetke tarıf quny 5 esege deıin tústi. Halyqaralyq baılanys quny aǵymdaǵy jylǵy shilde aıynan bastap eki esege tómendedi. Uıaly baılanysqa keletin bolsaq, onda da baǵa tómendedi, bul sonshalyqty keremet bolmasa da ony paıdalanýshylardyń 60 paıyzdaıyn qamtydy. Osy baǵyttaǵy sharalar atqaryla beretin bolady», - dedi A. Jumaǵalıev.
Mınıstrdiń aıtýynsha, uıaly baılanys qyzmetiniń baǵasy operatorlarmen kelisilgen jospar boıynsha tómendetiledi. «Uıaly baılanys operatorlary jańa jyldan bastap, «ınterkonnekt» tarıfterine baǵany tómendetedi. Al ishki jeliler tarıfteri aktsııalarǵa sáıkes júzege asady», dedi mınıstr.
