Uıaly baılanys kompanııalaryna abonentterdiń qyzmettik aqparattaryn saqtaý jónindegi mindettemelerin oryndamaǵandary úshin aıyppul salyndy
ASTANA. 3 sáýir. QazAqparat - QR KKM-niń Baılanys jáne aqparattandyrý komıteti men aýmaqtyq ınspektsııalar Internet júıesine qosylý qyzmetin usynatyn baılanys operatorlarynyń abonentter týraly qyzmettik aqparatty saqtaý jónindegi mindettemeleri máselesi boıynsha tekseris júrgizdi.
«Tekseris nátıjesi boıynsha QR Úkimetiniń 2010 jylǵy 30 naýryzdaǵy №246 qaýlysymen bekitilgen Baılanys operatorlarynyń abonentter týraly qyzmettik aqparattardy saqtaý jónindegi erejelerdi buzǵany úshin «Ksell» AQ-ǵa Qazaqstan Respýblıkasynyń ákimshilik quqyq buzýshylyq týraly Kodeksiniń 494-1 babynyń 4 bóligine sáıkes 500 AEK kóleminde aıyppul salyndy»,-delingen QR Kólik jáne kommýnıkatsııa mınıstrliginiń málimetinde.
Sonymen qatar, Almaty qalasy men Almaty oblysy boıynsha Baılanys jáne aqparattandyrý ınspektsııasy tarapynan «Aspan Telekom» JShS-nde tekseris júrgizildi. Sharanyń nátıjesinde abonentter týraly qyzmettik aqparatty saqtaý júıesiniń derekterin bergendiginiń torapta bolmaýyna baılanysty atalǵan Seriktestik ákimshilik jaýapkershilikke tartyldy.
Basqa baılanys operatorlaryna baılanysty tekserý sharalary jalǵastyrylýda. Ol tekserister aǵymdaǵy jylǵy úshinshi toqsannyń sońyna qaraı aıaqtalady.
