Uıaly baılanys abonentteriniń 30 paıyzy áli de bolsa burynǵy qymbat tarıfterdi paıdalanýda - vıtse-mınıstr
ASTANA. QazAqparat - QR Investıtsııalar jáne damý vıtse-mınıstri Sáken Sársenov azamattarǵa uıaly baılanys operatorlarynyń eń tıimdi tarıfterine belsendirek kóshýge shaqyrdy.
Onyń aıtýynsha, xalyqtyń basym bóligi áli kúnge deıin úsh-tórt jyl burynǵy qymbat tarıfterdi ózgertýge asyǵar emes.
«Uıaly baılanys Qazaqstanda óte tómen deńgeıge jetti. Bizde qazir 1 mınýttyń quny 3 teńgeni quraıdy. Bir myń teńge bolatyn bir aılyq jıyntyqtar bar, jeli ishinde tegin, ózge operatorlarǵa qońyraý shalý 100 mınýttan astamy aqysyz júredi. Interneti de bar. Degenmen abonentterdiń 30 paıyzy bul tarıfterge kóshýge asyqpaıdy», - deıdi ol.
«Olar áli kúnge deıin 2011-2012 jylǵy tarıftermen otyr. Olar óte qymbat, sondyqtan men azamattardy arzanyraq tarıfterdi belsendirek paıdalanýdy shaqyramyn», - dep atap ótti vıtse-mınıstr.
