Uıaly baılanysqa qatysty jańa erejeler 28 maýsymnan bastap kúshine enedi
ASTANA. KAZINFORM — Jasandy ıntellekt jáne tsıfrlyq damý mınıstrligi baılanys qyzmetterin kórsetý qaǵıdalaryna mańyzdy ózgerister engizdi.
18 maýsymda qol qoıylǵan buıryq azamattarǵa barynsha jaılylyqty qamtamasyz etýge jáne olardyń tsıfrlyq ortadaǵy quqyqtaryn senimdi qorǵaýǵa baǵyttalǵan.
— Endi qosymsha aqyly baılanys jáne ınternet qyzmetteri abonenttiń eki márte kelisimimen ǵana qosylady, ony jeke kabınet, SMS, qońyraý nemese USSD-suranys arqyly rastaýǵa bolady.
Sonymen qatar, operatorlarǵa jiberip alynǵan qońyraýlar týraly habarlaý úshin qysqa «maıak» qońyraýlaryn paıdalanýǵa tolyqtaı tyıym salynady. Buǵan deıin bul qyzmetti óshirý múmkindigi bolǵan, alaıda tájirıbede ol eki abonenttiń de — qońyraý shalýshynyń da, qońyraýdy qabyldaýshynyń da — bul optsııany óshirgen jaǵdaıynda ǵana jumys isteıtin. Endi bul tehnıkalyq qaıshylyq joıyldy jáne «maıaktardyń» ornyna yńǵaıly ári túsinikti SMS-habarlama formaty keledi, — delingen Jasandy ıntellekt jáne tsıfrlyq damý mınıstrligi habarlamasynda.
Paıdalanýshylardyń operatorlardyń kez kelgen jarnamalyq jáne aqparattyq taratylymdarynan ońaı bas tartý múmkindigi mańyzdy tolyqtyrý boldy.
— Sondaı-aq, 14 jasqa tolmaǵan balalarǵa nómirlerdi tirkeý kezindegi qaýipsizdik sharalary kúsheıtildi: endi bul protsedýrany tek zańdy ókilderi bıometrııalyq sáıkestendirý arqyly júrgizedi, bul rette bir kámeletke tolmaǵan balaǵa tek bir nómir ǵana rásimdele alady, — delingen habarlamada.
Jańa normalar 28 maýsymnan bastap kúshine enedi. Bul ózgerister JITsDM-niń tutynýshylardyń quqyqtaryn qorǵaý jáne tsıfrlyq servısterdiń sapasyn arttyrý boıynsha júıeli jumysynyń bir bóligi bolyp tabylady, bul jarııalanǵan JI jylyndaǵy «halyq únine qulaq asatyn memleket» qaǵıdattaryna tolyq sáıkes keledi.
Aıta ketelik Qazaqstanda uıaly telefondy verıfıkatsııalaý memlekettik kompanııaǵa beriletini týraly jazǵan edik.
