Uıaly baılanys júıesin aınalyp ótetin zańsyz sım-boks qurylǵysy anyqtaldy
TÚRKІSTAN. KAZINFORM – Atalǵan qurylǵy qylmyskerlerge bir ýaqytta júzdegen SIM-kartany paıdalanyp, halyqaralyq shyǵys qońyraýlaryn ózgertip jiberýge múmkindik bergen. Bul týraly Túrkistan oblysynyń prokýratýrasy baspasóz qyzmeti habarlady.
31 shildede Túrkistan oblysy prokýratýrasynyń bastamasymen jáne úılestirýimen Almaty qalasynda oblystyq polıtsııa departamentiniń Kıberpolıtsııa basqarmasy arnaıy operatsııa júrgizip, resmı baılanys arnalaryn aınalyp ótip, halyqaralyq qońyraýlardy baǵyttaýǵa arnalǵan sım-boks – arnaıy jabdyqtyń zańsyz paıdalanylýyn anyqtap, joıdy.
Atalǵan qurylǵy qylmyskerlerge bir ýaqytta júzdegen SIM-kartany paıdalanyp, halyqaralyq shyǵys qońyraýlaryn ózgertip jiberýge múmkindik bergen.
Bul uıaly baılanys operatorlaryna aıtarlyqtaı ekonomıkalyq shyǵyn keltiredi jáne qylmystyq áreketterdiń izin jasyrý úshin paıdalanylýy múmkin.
Atalǵan fakt boıynsha Qylmystyq kodeksiniń 213-baby 2-bóligine sáıkes sotqa deıingi tergep-tekserý bastaldy.
Uıymdastyrýshy ustaldy.
Aıta ketelik bıyl elimizde 88 myńnan astam tirkelmegen SIM-karta tárkilendi.
