Uıaly baılanys operatorlaryna 3 mlrd 288 mln teńge aıyppul salyndy
Qazaqstannyń tsıfrlyq damý, ınnovatsııalar jáne aeroǵarysh ónerkásibi mınıstrligi Internet jáne mobıldi baılanys jelisine qol jetkizý sapasyn monıtorıngileý jáne jaqsartý boıynsha turaqty negizde jumys istep keledi.
Mınıstrlik óz quzyreti aıasynda uıaly baılanys operatorlaryna sapasyz qyzmetterin usynǵany úshin aıyppul salý ókilettigine ıe.
Osylaısha, 2023 jyly vedomstvo 782 tekserý júrgizip, 3 mlrd 288 mln teńge kóleminde aıyppul saldy. Bıýdjetke zańnamada kózdelgen jeńildikti eskere otyryp, 1 mlrd 644 mln teńge tólendi, onyń ishinde operatorlar boıynsha:
Tele2 - 751,4 mln teńge;
Kcell - 563,2 mln teńge;
Beeline - 329,4 mln teńge tóledi.
Sondaı-aq Mınıstrliktiń 2020-2022 jyldar aralyǵynda sapasyz baılanys úshin tekserý júrgizý jáne aıyppul salý statıstıkasymen tanysýdy usynamyz.
2020 jyly mınıstrlik 93 tekserý júrgizip, 47,8 mln teńge kóleminde aıyppul saldy.
2021 jyly júrgizilgen tekserýler sany edáýir ósti: júrgizilgen 562 tekserý aıasynda jalpy somasy 264 mln teńgege aıyppul salyndy.
2022 jyly Mınıstrlik júrgizgen tekserister sany eki esege ósti - 1 175, nátıjesinde uıaly baılanys operatorlaryna 1,6 mlrd teńge somasyna aıyppul salyndy.
Tekserýler júrgizý jáne aıyppuldardy ulǵaıtý operatorlardyń kórsetiletin qyzmetterdiń sapasy úshin jaýapkershiligin arttyrýǵa múmkindik berdi.
«Máselen, 2019-2022 jyldar aralyǵynda aıyppuldar óskenge deıingi kezeńde operatorlar uıǵarymdardyń tek 33%-yn oryndady. Aıyppuldardy arttyrý boıynsha jumystar júrgizilgennen keıin, 2023 jyly operatorlar nusqamalardyń 65%-yn oryndady»,-delingen habarlamada.
