Uıaly baılanys operatorlaryna 69 mln teńge aıyppul salynǵan

ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi otandyq uıaly baılanys operatorlaryn tekserip jatyr. Bıyl alǵashqy qańtar-naýryz aılary aralyǵynda 25 jospardan tys tekserý júrgizilip, anyqtalǵan zańsyzdyqtar úshin 69 mln teńge aıyppul salynǵan.

Bul alǵashqy tekseris emes, keıingi jyldary uıaly baılanys operatorlaryn jappaı tekserý bastaldy. Mysaly, ótken jyly osy tektes 357 tekseris jasalyp, kompanııalar 1 mlrd 184 mln teńge aıyppul arqalaǵan bolatyn.

«Mınıstrlik 2020 jyly baılanys operatorlaryna qatysty 93 tekserý júrgizilip, 23,9 mln teńge aıyppul salyndy. 2021 jyly 562 tekserý júrgizilip, 371 zańbuzýshylyq anyqtalǵan, aıyppul kólemi – 132 mln teńge. 2022 jyly 1175 tekserý júrgizilgen tekseris nátıjesinde 1 mlrd 670 mln teńge aıyppul salyndy, jeńildikti esepke alǵanda 835 mln teńge bıýdjetke tólendi. 2023 jyly 782 tekserýdiń nátıjesinde 3 mlrd 288 mln teńge kóleminde aıyppul óndirildi, jeńildikti esepke alǵanda 1 mlrd 644 mln teńge bıýdjetke tólendi», – delingen mınıstrliktiń redaktsııa saýalyna joldaǵan hatynda.

Buǵan deıin Uly baılanys tarıfteri nege qymbat degen taqyrypta taldaý materıalyn jarııalaǵan bolatynbyz.