Úı jóndep jatqan otbasy 1960 jyldan beri saqtalǵan aqshaly seıf taýyp aldy
ASTANA. QazAqparat - Úı jóndeý jumystary kezinde páterden ne tabylmaıdy deseńizshi. AQSh-ta bir otbasy erekshe «qazynany» taýyp aldy. Asúıdiń qabyrǵasyn oıyp turyp ótken ǵasyrdyń adamdary jasatqan seıftegi baılyq endi tabylyp, otbasyn qýanyshqa keneltti, dep jazady sheteldik BAQ.
Seıften 51 myńnan astam dollar shyqty. Sondaı-aq, onyń ishinde 1960 jyly shyǵarylǵan býrbon bótelkesi men Frıts Shýmaherdiń 1977 jyly basylyp shyqqan «Abyrjyǵandar úshin nusqaýlyq» kitaby saqtalǵan.
Budan basqa, seıfte «Alan, mende siz oqyp aıaqtaýyńyz tıis kitap bar. Men úzindiniń astyn syzyp qoıdym. Sizdiń dosyńyz, Vınsent» dep jazylǵan er adamnyń sýreti bar eken.
