Úı jóndep jatqan erli-zaıyptylar $852 myń turatyn sırek monetalardy taýyp aldy
LONDON. QazAqparat – Anglııada erli-zaıyptylar jóndeý kezinde asúıinen sırek kezdesetin monetalar jatqan qupııa oryndy tapqan, dep habarlaıdy QazAqparat NBC News-ke silteme jasap.
Aýktsıonshy jáne «Spink and Son» brıtan monetalary boıynsha maman Gregorı Edmýnd olardy Soltústik Iorkshırde turatyn jup kezdeısoq taýyp alǵanyn habarlady.
2019 jyly olar 18 ǵasyrda turǵyzylǵan úıinde jóndeý jumystaryn jasap jatqanda elektr kabeliniń bir bóligine tap boldyq dep oılaǵan.
Sırek monetalar kollektsııasy jaqynda aýktsıonda 852 380 dollarǵa satyldy.
Brıtandyq «The Yorkshire Post» gazetiniń habarlaýynsha, monetalar Meıster saýdagerler otbasymen baılanysty bolǵan.
Monetalar 1610-1727 jyldar aralyǵynda shyǵarylǵan. Ol korol I ıAkov pen korol I Georg basqarǵan kezeńge sáıkes keledi.
Bul kezeńde Sara Meıster men Djozef Fernlı otbasyn qurǵan. «The Sun» basylymyna sáıkes, Dj. Fernlı 1725 jyly qaıtys bolǵan, al S. Meıster 1745 jyly qaıtys bolǵanǵa deıin osy aýdanda turǵan.
200 jyldan astam ýaqyttan keıin Iorkshırdegi aǵylshyn juby jasyryn qazyna tapty.
Foto: www.nbcnews.com
