Úı janyndaǵy dúkender men áleýmettik taýar satýshylar úshin QQS óspeıdi – Saýda mınıstrligi

ASTANA. KAZINFORM – Saýda jáne ıntegratsııa vıtse-mınıstri Qaırat Tórebaev Májilistiń otyrysynan keıin qosylǵan qun salyǵy ósse, áleýmettik mańyzy bar taýarlardyń baǵasyna qalaı áser etetinin aıtty.

Үй жанындағы дүкендер мен әлеуметтік тауар сатушылар үшін ҚҚС өспейді – Сауда министрлігі
Фото: Александр Павский/Kazinform

- Qazirgi tańda úı janyndaǵy dúkenderge qosylǵan qun salyǵyn qospaý máselesin qarastyryp jatyrmyz. Negizgi túsinistik bar. Sondaı-aq, aýyl sharýashylyǵynda qosylǵan qun salyǵyn kóterý máselesi joq. Áleýmettik mańyzy bar taýarlarǵa da qosylǵan qun salyǵy óspeıdi dep paıymdap jatyrmyz, josparlap jatyrmyz, - dedi Qaırat Tórebaev.

Vıtse-mınıstr áleýmettik mańyzy bar taýarlardyń baǵasy qosylǵan qun salyǵynyń óskenine qaramastan ósýi múmkin ekenin aıtady.

- Áleýmettik mańyzy bar taýarlardyń qymbattaýy árdaıym bolady. Biraq siz aıtyp otyrǵandaı qarqyndy ósim bolmaıdy, - dedi Qaırat Tórebaev.

Aıta keteıik, búgin Májilis Qazaqstan men Ózbekstan Úkimetteriniń arasyndaǵy Ortalyq Azııa «halyqaralyq ónerkásiptik kooperatsııa ortalyǵynyń qyzmetin retteý týraly zańdy qabyldady. 

Сейчас читают