Úıi sýǵa ketken turǵyndy sotqa bergen BQO ákimdigi aryzyn qaıtyp aldy

ORAL. KAZINFORM – Budan buryn habarlanǵanyndaı, Oral qalasynyń turǵyny, muǵalim Aınur Sabyr ótken jyly úıi sýǵa ketkende berilgen baspanany ákimdik qaıtyp almaq bolyp jatqanyn aıtyp, shaǵymdanǵan edi.

Aınur Sabyrdyń málim etkenindeı, BQO ákimdigi talap aryzyn qaıtyp alǵan.

- 3 jeltoqsanǵa belgilengen sot otyrysynyń ótpeıtindigin keshe sot hatshysy habarlady, - deıdi ol.

Osyǵan oraı Kazinform tilshisi BQO ákimdigine arnaıy saýal joldady.

Ákimdik talap aryzdyń qaıtarylǵanyn rastady.

- Talap aryz oblys ákimdigimen múddeli taraptarmen konstrýktıvti dıalog máselesi boıynsha jumysty jalǵastyrý úshin keri qaıtaryldy. Sheshim turaqtylyqty qamtamasyz etý jáne ońtaıly sheshimdi izdestirý maqsatynda qabyldandy, - delingen resmı jaýapta. 

Eske sala keteıik, budan buryn Oral turǵyny úıi sýǵa ketkende berilgen páterdi ákimdik qaıtaryp almaqshy ekendigin jazǵan bolatynbyz.