Úıi sýǵa ketken aqtóbelikterden myńnan astam ótinish qabyldandy
AQTÓBE. KAZINFORM – Aqtóbe oblysy boıynsha 1200-den astam ótinish qabyldandy. Kóbi Aqtóbe qalasynda tirkeldi.
Aqtóbe oblysy boıynsha shyǵyndy esepteý komıssııasy jumysyn jalǵastyryp jatyr. Olar eki kúnniń ishinde 1237 ótinish qabyldady.
- Ótinishter evakýatsııalyq pýnktterde jáne aýdandardaǵy ákimdikterde qabyldanyp jatyr. Eń kóp ótinish Aqtóbe qalasy Almaty aýdanynan túsken. Munda komıssııa 732 ótinishti qabyldady. Qujattar Aqtóbedegi №18, 45, 8, 2, 14, 31, 22, 36, 26, 16, 40, 47, 30, 12, 5, 71, 53, 57, Qyzyljar jáne M.Aryn atyndaǵy mektepterde jáne Almaty men Astana aýdandarynyń ákimdikterinde qabyldanady. Al Oıylda Sh.Bekmuhambetov atyndaǵy mektep-gımnazııa, balalar men jasóspirimder sport mektebi men agrarlyq kolledjinde, Qobda, Muǵaljar, Áıteke bı, Temir aýdandyq ákimdikteri men Sarkól, Altyqarasý jáne Keńestý aýyldyq okrýgteriniń ákimdikterinde ornalasqan, - dep habarlady Aqtóbe oblysy ákiminiń baspasóz qyzmeti.
Eske salsaq, buǵan deıin Aqtóbe oblysy boıynsha 5 aýdan men Aqtóbe qalasynda tótenshe jaǵdaı jarııalandy. Sáıkesinshe komıssııa osy aýdandar men qalada jumys istep jatyr.
