«Úı sheberi» qyzmetteriniń quny qansha
ASTANA. KAZINFORM — Kartınany ilý, perde iletin qurylǵy nemese aspasham ornatý qyzmetiniń quny jumystyń qıyndyǵy qaraı ózgerip otyrady. Baǵa arasyndaǵy aıyrmashylyq qalalar men sheberge artylatyn jumys túrine qaraı ondaǵan myń teńgege jetti.
Qazaqstanda «úı sheberi» qyzmetteriniń quny 1 000 teńgeden bastalyp, 85 000 teńgege deıin jetti. Oǵan úıdegi shaǵyn jóndeý jumystarynan bastap ýaqyt pen uqyptylyqty qajet etetin qysh taqtaısha tóseý, turmystyq tehnıkalardy ornatý qyzmetteri de kiredi.
Elimizdegi 20 qalanyń ishinde baǵa Kókshetaý qalasynda tómen. Qyzmet quny 1 000 teńgeden bastalady. Almaty, Atyraý, Aqtóbe, Oral, Petropavl, Pavlodar, Qostanaı, Qaraǵandy, Jezqazǵan, Taraz jáne Qyzylorda qalalarynda qyzmet quny 2 000 teńge jáne odan joǵary. Astana, Aqtaý, Óskemen, Shymkent, Túrkistan jáne Qonaev qalalarynda eń tómengi baǵa — 3 000 teńge. Taldyqorǵanda qyzmetter quny 3 500 teńgege, al Semeıde 4 500 teńgege jetti.
Eń joǵary baǵa Shymkentte tirkeldi. Munda 85 000 teńgege deıin jetti. Astanada qyzmet quny 60 000 teńgege, Almaty men Atyraýda 50 000 teńgege deıin barady. Qonaevta baǵa 40 000 teńgege, al Qaraǵandy men Jezqazǵanda 30 000 teńgege deıin jetip tur.
Qostanaı, Túrkistan jáne Qyzylorda qalalarynda qyzmettiń eń joǵary quny 25 000 teńge bolady. Aqtaý men Tarazda 20 000 teńge, al Aqtóbe men Oralda 15 000 teńge. Pavlodar, Kókshetaý, Óskemen jáne Semeı qalalarynda eń joǵary baǵa 10 000 teńgeden aspaıdy. Petropavlda 7 000 teńge bolyp tur.
Demek elimiz boıynsha eń tómen baǵa Kókshetaýda, al eń joǵary shekti baǵa Shymkentte tirkeldi. Eki qala arasyndaǵy baǵa aıyrmasy — 84 000 teńge. Sonymen birge baǵa jumystyń kúrdeliligine qaraı ózgeretinin esten shyǵarmaǵan jón.
Qyzmettiń túpkilikti quny jumystyń túrine, kólemine, montajdaý kúrdeliligine jáne qosymsha materıalǵa qaraı ózgeredi. Sondyqtan baǵady salystyrǵanda qalany ǵana emes, sheberdiń naqty qandaı jumys atqaratynyn eskerý kerek.
Buǵan deıin Kazinform agenttigi Qazaqstan qalalarynda bala kútýshisiniń qyzmet quny qansha ekenin jazdy.
