Úı robottary qylmysker de bola alady
ASTANA. QazAqparat - IOActive kompanııasynyń aqparattyq qaýipsizdik mamandary qaskúnemderdiń úı robottaryn óz ıelerine qastandyq jasaý úshin qoldaný múmkindigin anyqtady. Bul týraly Bloomberg habarlady.
Zertteýshiler osy máseleni anyqtaý úshin Qytaıdyń UBTech Robotics kompanııasy shyǵaratyn Alpha 2 robotyn buzyp, keıin ony buraýyshpen qyzanaqqa tyǵyp alýǵa májbúrlegen.
The Verge jýrnalısteri atap ótkendeı, robottardyń kólemi shaǵyn bolǵandyqtan, ózinen úlkenderge qaýip keltirmeıdi. Alaıda, Alpha 2 kishkentaı sábıge nemese úı janýaryna qastandyq jasaýǵa qaýqary jetedi.
Mundaı osaldyq Japonııanyń Softband Group Corp kompanııasy shyǵaratyn NAO jáne Pepper robottarynan, Universal Robots -tyń ónerkásiptik úlgilerinen tabyldy
SoftBank ókili Vınsent Samýel kompanııanyń IOActive zertteýinen habardar ekendigin jáne mamandardyń tapqan máselesin sheshkenin málimdedi. IOActive qaýipsizdik máseleleri jónindegi bas keńesshisi Lýkas Apa bul aqparatty joqqa shyǵarmady, rastamady da.
«Búginde aqparattyq ındýstrııa qarqyndy damyp, adamzat ıgiligi úshin qyzmet etýde. Alaıda biz qaýipsiz bolashaq kútip turǵanyna senimdi bolýymyz kerek», - dep atap ótti Lýkas Apa.
