Úı qabyrǵasyna asa iri uıalar salǵan aralar turǵyndardy úreılendirdi - ShQO

ÓSKEMEN. QazAqparat – Shyǵys Qazaqstan oblysy Ulan aýdanynda úı qabyrǵasyna aralar asa iri eki uıa salyp tastaǵan, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 2 qyrkúıekte Alǵabas aýylynyń turǵyndary qutqarýshylarǵa habarlasyp, jer úıdiń qabyrǵasyna baluıa salǵan aralardyń mazalaryn qashyrǵanyn aıtty.

«Sol jerge arnaıy kıim kıgen qutqarýshylar kelip jetti. Olar uıalardy tıisti quralmen óńdep, qabyrǵadan alyp tastady da qaýipsiz jerge kóshirdi», - dep habarlady vedomstvo ókilderi.

Aıta keteıik, osy jaz mezgilinde departament qyzmetkerleri óńir jurtshylyǵyna qaýipti jándikterden qutylýǵa birneshe ret kómektesti. Máselen, Óskemende aralar balkonǵa jáne turǵyn úıdiń janyndaǵy aǵashqa uıa salǵan.