Úı ishinde gaz ballony jarylyp, 4 adam kóz jumdy – Qostanaı oblysy
QOSTANAI. QazAqparat – Jangeldın aýdanynda turǵyn úı ishinde gaz ballony jarylyp, 4 adam kóz jumdy, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Oqıǵa 15 jeltoqsan kúni Torǵaı aýylynda bolǵan. Sońǵy málimet boıynsha Baıqadam kóshesindegi turǵyn úılerdiń birinde gaz ballony jarylǵan.
«Saǵat 21:00 shamasynda aýdandyq aýrýhanaǵa bes adam jetkizildi. Olardyń arasynda úsh balanyń denesin 40%, al 22 jáne 34 jastaǵy eresek adamdardyń denesin 70% kúıik shalǵan. Qostanaı oblysy densaýlyq saqtaý basqarmasy basshysynyń buıryǵymen Jangeldın aýdanynda tótenshe jaǵdaıǵa baılanysty shtab quryldy. Órtte zardap shekkenderge alǵashqy medıtsınalyq kómek kórsetildi (shokqa qarsy terapııa, tańý, aýyrsynýdy basý). Órt kezinde 4 adam kóz jumdy. Onyń ishinde jasqa tolmaǵan eki sábı bar», - dep habarlady vedomstvonyń baspasóz qyzmetindegiler.
17 jeltoqsan kúni órtten zardap shekkender sanıtarlyq avıakólik arqyly Nur-Sultan qalasyna jetkizildi.
