Úı ıesin skotchpen baılap, onyń 1 mln. teńgesi men altyn buıymdaryn qoldy etken stýdentter toby ustaldy
ASTANA. 10 qazan. QazAqparat - Qostanaı oblysynyń polıtseıleri 43 jastaǵy qala turǵynyna qaraqshylyq shabýyl jasaý qylmysyn izin sýytpaı ashty.
QR ІІM málimetine qaraǵanda, Uzynkól aýdanynyń krımınaldyq polıtsııa qyzmetkerleri Itsary kentinde qaraqshylyq shabýyl jasaǵan úsh kúdiktini ustady.
Qostanaılyq úsh stýdent tereze arqyly jábirlenýshiniń úıine kirip, úı ıesin skochpen baılap, aqsha talap etken. Kúdiktiler úıdiń ishindegi qupııa jerden 1 mln. teńge men altyn buıymdardy alyp ketedi. Qylmysty ashý úshin arnaıy tergeý-jedel toby qurylyp, qylmyskerler bir táýlik ótkennen keıin qolǵa tústi. Qylmyskerler kinásin moıyndady, olar QR QK 179-babynyń 2-bóligine sáıkes jaýapqa tartyldy.
