Úı aýlasyndaǵy dúkenderge taýardyń ilespe júkqujatyn resimdeý mindetti emes

NUR-SULTAN. QazAqparat - Qazaqstan aýmaǵynda satylǵan taýarlarǵa ilespe júkqujat resimdeýdiń pılottyq jobasy qolǵa alynǵannan beri úı aýlasyndaǵy dúken ıeleri Qarjy mınıstrliginiń Memlekettik kirister komıtetine kóptegen saýaldar joldaǵan kórinedi.

Komıtettiń baspasóz qyzmeti osyǵan baılanysty túsindirme aqparat taratty, dep habarlaıdy QazAqparat.

«Úıdiń janyndaǵy dúkenderge, taýarlarǵa ilespe júkqujattaryn resimdeý qajet emes. Sońǵy ýaqytta úı mańynan ashylǵan dúken ıeleri arasynda alańdaýshylyq týyndap taýarlarǵa ilespe júkqujat resimdeý qajettiligi týraly suraqtar jıi qoıylýda. Eger baqylaý kassalyq mashınalarynyń túrbirtegin bere otyryp, onlaın baqylaý-kassa mashınalary qoldanylatyn bolsa, taýarlarǵa ilespe júkqujat rásimdeý mindetti emes», - dep jazady komıtettiń resmı saıty.

Komıtet ókilderiniń aıtýynsha, aktsızdeletin taýarlardy satý kezinde aqparattyq júıede olardyń alynǵanyn rastaý qajet. Buryn bul operatsııa salyq esebin óńdeý júıesindegi salyq tóleýshiniń kabınetinde júrgizilgen. Al qazir elektrondy shot-faktýra aqparattyq júıesinde jasaý qajet.