Úı alý úshin búırekterin satyp jatyr

Bul jaıynda «Daily Mail» aqparat kózi habar taratty. Máselen, Gıta esimdi Hokse turǵynynyń aıtýynsha, týysqany ony búıregin satýǵa kóndirgen. Osy maqsatta ol Úndistannyń ońtústigine attanyp, adam aǵzalarymen zańsyz saýda qyzyp turǵan jerge keledi. Búırekti alý otasy jarty saǵatqa sozylǵan, osydan keıin Nepal turǵyny úsh apta emhanadan shyqqan joq. Ol eki myń dollarǵa Hokseden jer telimin satyp alyp, tek shatyry men berzentten turatyn úı turǵyzyp aldy. Adam aǵzasymen saýda jasaıtyndar osyndaı muqtaj kedeı aýdandarǵa kelip, jurtty aqshamen qyzyqtyryp, aǵzalaryn satýǵa úgitteıdi. Brıtandyq tilshilerdiń jazýynsha, bılik tarapy buǵan kózjumbaılyq tanytyp otyr, dep jazady islam.kz.